کیپ ٹاؤن: (دنیا نیوز) پاکستان اور جنوبی افریقا کے درمیان تین میچز کی سیریز کا پہلا ٹی ٹونٹی کل کیپ ٹاؤن میں کھیلا جائے گا۔ قومی ٹیم چھوٹے فارمیٹ میں گزشتہ گیارہ سیریز سے ناقابل شکست ہے۔
ون ڈے سیریز کا ہنگامہ ختم، شاہین اور پروٹیز اب چھوٹے فارمیٹ میں مدمقابل ہوں گے۔ تین میچز کی سیریز کا پہلا ٹی ٹونٹی کیپ ٹاؤن میں یکم فروری کو کھیلا جائے گا۔
خیال رہے کہ گرین شرٹس ٹی ٹونٹی فارمیٹ میں نمبر ون ہیں۔ قومی ٹیم گزشتہ گیارہ ٹی ٹونٹی سیریز سے ناقابل شکست ہے۔ شعیب ملک ٹی ٹونٹی سیریز میں ون ڈے کی غلطیاں نہ دہرانے کے لئے پرعزم ہیں جبکہ اوپنر فخر زمان قومی ٹیم کی امیدوں کا محور ہیں۔
پروٹیز کپتان فاف ڈوپلیسز اور وینڈر داسن کی بلے بازی قومی بولرز کے لئے چیلنج ہو گی۔ پروٹیز نے پاکستان کے خلاف پانچ میچز کی ون ڈے سیریز تین دو سے اپنے نام کی تھی۔
