لاہور: (ویب ڈیسک) پی ایس ایل کے فائنل میں شین واٹسن سے بدتمیزی کرنے پر امام الحق نے ان سے معافی مانگ لی۔
کراچی میں کھیلے گئے پاکستان سپر لیگ کے فائنل میں کوئٹہ گلیڈی ایٹرز کے اوپننگ بلے باز شین واٹسن جب رن آؤٹ ہوئے تو پشاور زلمی کے کھلاڑی امام الحق نے انہیں باہر جانے کا اشارہ کیا اس دوران دونوں کھلاڑیوں کے درمیان تلخ جملوں کا تبادلہ ہوا۔
Yesterday’s incident happened in the heat of the moment. My reaction to Watson’s inappropriate abusive comments was avoidable, for which I apologise. It was a good match and a great HBL PSL 2019, let’s enjoy its success. Congrats to Gladiators and Watson for the trophy and awards
— Imam Ul Haq (@ImamUlHaq12) March 18, 2019
مہمان کھلاڑی سے بدتمیزی کرنے پر شائقین کرکٹ نے امام الحق کو سوشل میڈیا پر آڑے ہاتھوں لیتے ہوئے شدید تنقید کا نشانہ بنایا اور اس حوالے سے ’پرچی‘ کے نام سے ہیش ٹیگ بھی ٹوئٹر پر ٹرینڈ کرتا رہا۔
شائقین کی جانب سے تنقید کے بعد امام الحق کو بھی اپنی غلطی کا احساس ہوا اور انہوں نے آسٹریلوی آل راؤنڈر شین واٹسن سے معافی مانگ لی۔
اپنی ٹوئٹ میں امام الحق کا کہنا تھا کہ گزشتہ روز کا واقعہ کھیل کے دوران ماحول کی گرمی کی وجہ سے ہوا لیکن شین واٹسن سے میرا رویہ بہت غیرمناسب تھا لہذا میں اپنے کیے پر معافی مانگتا ہوں۔ انہوں نے کوئٹہ گلیڈٰی ایٹرز کو جیت پر اور شین واٹسن کو مین آف دی سیریز ملنے پر مبارکباد دیتے ہوئے کہا کہ نہ صرف فائنل میچ بلکہ پورا ایونٹ بہت زبردست رہا۔
