اسلام آباد: (ویب ڈیسک) اسلام آباد میں جاری گلوبل زلمی لیگ کے پانچویں روز گلاسگو زلمی، لندن زلمی، سٹیٹس زلمی اور مانامی زلمی نے اپنے میچز جیت لیے۔ گلوبل زلمی لیگ کا انعقاد پشاور زلمی کی جانب سے میونسپل کارپوریشن اسلام آباد کے تعاون سے کیا جا رہا ہے۔
اسلام آباد میں جاری گلوبل زلمی کے پانچویں دن کھیلے گئے میچ میں گلاسگو زلمی نے ٹورینو زلمی کو 144رنز سے ہرا کر آؤٹ کلاس کر دیا۔ پہلے بیٹنگ کرتے ہوئے گلاسگو زلمی نے بیس اوورز میں 4 وکٹوں پر 220 رنز بنائے۔
جواب میں ٹورینو زلمی کی ٹیم 76 رنز پر ڈھیر ہو گئی۔ ایک اور میچ میں لندن زلمی نے پیرس زلمی کو 89 رنز سے شکست دیدی۔ لندن زلمی کے سکور 198 رنز چار کھلاڑی آؤٹ کے جواب میں پیرس زلمی کی ٹیم 109 رنز پر پویلین لوٹ گئی۔
.jpg)
تیسرے میچ میں سٹیٹس زلمی نے وکٹوریہ زلمی کو 131 رنز سے ہرا دیا۔ سٹیٹس زلمی نے پہلے بیٹنگ کرتے ہوئے 7 وکٹوں پر 220 رنز بنائے۔
جواب میں وکٹوریہ زلمی کی ٹیم 89 رنز پر ڈھیر ہو گئی۔ چوتھے میچ میں مانامہ زلمی نے شاوزنگ زلمی کو 79 رنز سے ہرا دیا۔
