کراچی: (ویب ڈیسک) پاکستان اور سری لنکا کے درمیان کھیلے جانے والے دوسرے ٹیسٹ میچ کا پہلا روز باؤلرز کے نام رہا، ایک دن کے دوران دونوں ٹیموں کی 13 وکٹیں گر گئیں۔
پاکستان کی طرف سے ٹاس جیت کر پہلے بیٹنگ کرنے کو ترجیح دی گئی، قومی ٹیم کا آغاز اچھا نہ تھا، ساتویں اوور میں پاکستانی اوپننگ آرڈر لڑکھڑا گیا جب شان مسعود فرنینڈو کی گیند پر بولڈ ہو گئے۔ 10 کے مجموعی سکور پر لیفٹ ہینڈ بیٹسمین 5 سکور بنا کر پویلین لوٹ گئے۔
Pakistan win the toss and elect to bat first.#PAKvSL Live: https://t.co/Bhja6pONDW pic.twitter.com/aM8d0rUOc0
— Pakistan Cricket Live (@TheRealPCB_Live) December 19, 2019
ٹیسٹ میچز میں مسلسل ناکام رہنے والے کپتان اظہر علی کا بلا رنز بنانا بھول گیا، 10 کے مجموعی سکور پر فرنینڈو نے انہیں صفر پر بولڈ کر دیا۔ بابراعظم میدان میں آئے تو شائقین کو کچھ امید پیدا ہوئی۔ عابد علی کے ساتھ پارٹنر شپ میں قدرے بہتر کارکردگی دیکھنے میں آئی۔
Fans at the NSK #PAKvSL LIVE: https://t.co/jFigEwJ4Bs + @TheRealPCB_Live pic.twitter.com/TSJhl0G864
— Pakistan Cricket (@TheRealPCB) December 19, 2019
اس دوران عابد علی نے چند خوبصورت شارٹس بھی کھیلے، پہلی ٹیسٹ میں ڈیبیو پر سنچری بنانے والے بیٹسمین صرف 38 رنز بنا کر کمارا کی گیند پر ایل بی ڈبلیو ہو گئے۔ بابر اعظم کے ساتھ مل کر 55 رنز کی پارٹنر شپ بنائی۔
بابر اعظم نے اس دوران اسد شفیق کے ساتھ مل کر سکور کو آگے بڑھایا اور اپنی ففٹی مکمل کی جبکہ اسد شفیق نے مزاحمتی اننگز کھیلتے ہوئے ففٹی بنائی۔ دونوں سینئر بیٹسمین کے درمیان 62 رنز کی شراکت داری بنی۔
Lunch Break!
— Pakistan Cricket (@TheRealPCB) December 19, 2019
72-3#PAKvSL https://t.co/OWPKI6l1jA pic.twitter.com/lAn0mvMjLb
بابر اعظم 60 رنز بنا کر ایمبلڈینیا کی گیند پر سٹیمپ آؤٹ ہوئے، اسد شفیق 126 گیندوں پر 63 سکور پر کمارا کی گیند پر فرنینڈو کو کیچ دے بیٹھے۔ دیگر بیٹسمین قابل ذکر کارکردگی نہ دکھا سکے۔
Tea Break!
— Pakistan Cricket (@TheRealPCB) December 19, 2019
Another good session for Sri Lanka.
171-5https://t.co/TWOQImea4b pic.twitter.com/vD9D16eXRy
حارث سہیل 9، محمد رضوان 4، یاسر شاہ صفر، محمد عباس 0، شاہین شاہ آفریدی 5 جبکہ نسیم شاہ 1 رنز بنا کر پویلین لوٹ گئے۔ قومی ٹیم 59.3اوورز میں 191 رنز بنا سکی۔ مہمان ٹیم کی طرف سے کمارا، ایمبلڈینیا نے 4.4 وکٹیں حاصل کیں، فرنینڈو نے دو شکار کیے۔
سری لنکا کی طرف سے اننگز کا آغاز فرنینڈو اور کپتان کرونارتنے نے کیا، مہمان ٹیم کا آغاز بھی کچھ اچھا نہ تھا جہاں پر ساتویں اوورز میں فاسٹ باؤلر شاہین شاہ آفریدی نے 28 کے مجموعی سکور پر فرنینڈو کو پویلین بھیج دیا جنہوں نے 4 رنز بنائے تھے۔
Shaheen Strikes!#PAKvSL https://t.co/Jj2fMMxiTC pic.twitter.com/2oungONf3a
— Pakistan Cricket (@TheRealPCB) December 19, 2019
لنکن ٹیم کو دوسرا نقصان کپتان کرونارتنے کی صورت میں اُٹھانا پڑا جب محمد عباس کی غیر معمولی گیند پر کپتان بولڈ ہو گئے۔ انہوں نے 42 گیندوں پر 25 رنز بنائے۔
کوشال مینڈس بھی زیادہ تر وکٹ پر نہ ٹک سکے اور 27 گیندوں پر 13 رنز بنا کر محمد عباس کی گیند پر سلپ میں موجود حارث سہیل کو کیچ دے بیٹھے۔
Castled #PAKvSL https://t.co/tRvyJw22ZH pic.twitter.com/3tliySH5dF
— Pakistan Cricket (@TheRealPCB) December 19, 2019
پہلے روز کے اختتام پر سری لنکن ٹیم نے تین وکٹوں کے نقصان پر 64 رنز بنا لیے۔ قومی ٹیم کے فاسٹ باؤلر محمد عباس نے دو جبکہ شاہین شاہ آفریدی نے ایک کھلاڑی کو پویلین بھیجا۔
Stumps Day One!
— Pakistan Cricket (@TheRealPCB) December 19, 2019
It was a sensational day of Test cricket in Karachi.#PAKvSL Scorecard: https://t.co/jFigEwJ4Bs https://t.co/8rabK6dfBK pic.twitter.com/tJu4fM6kpl
یاد رہے کہ پاکستان اور سری لنکا کے درمیان راولپنڈی میں کھیلا جانے والا پہلا ٹیسٹ بارش اور کم روشنی کے سبب ڈرا ہو گیا تھا، سری لنکا نے 306 رنز 6 وکٹوں کے نقصان پر اپنی اننگز ڈکلئیر کر دی تھی جس کے جواب میں پاکستان نے 2 وکٹوں کے نقصان پر 252 رنز بنائے تھے۔
