لاہور: (دنیا نیوز) قومی ٹی ٹونٹی کپ میں شاندار کارکردگی دکھانے والی ٹیم اور کھلاڑیوں کے لئے پاکستان کرکٹ بورڈ نے انعامات کا اعلان کردیا
تیس ستمبر سے ملتان میں شروع ہونے والے نیشنل ٹی ٹونٹی کپ میں پی سی بی 90 لاکھ روپے کی انعامی رقم تقسیم کرے گا۔ ایونٹ کی فاتح ٹیم کو 50 لاکھ روپے کی انعامی رقم دی جائے گی جبکہ دوسری فائنلسٹ ٹیم 25 لاکھ روپے کی حقدار ٹھہرے گی۔
ٹورنامنٹ کے بہترین کھلاڑی، بیٹسمین، باؤلر اور وکٹ کیپر کو ایک ایک لاکھ روپے ملیں گے، ہرمیچ کے بہترین کھلاڑی کو 25 ہزار روپے دئیے جائیں گے۔ ڈبل لیگ کی بنیاد پر کھیلے جانے والے ایونٹ کے مین آف دی فائنل کو بطور انعام 35 ہزار روپے ملیں گے، ایونٹ کا فائنل 18 اکتوبر کو پنڈی کرکٹ اسٹیڈیم راولپنڈی میں کھیلا جائے گا۔
