لاہور: (ویب ڈیسک) قومی ٹیم کے سابق کپتان سرفراز احمد سے وکٹ کیپر بلے باز محمد رضوان کی تعریف ہضم نہ ہوئی۔سابق کپتان محمد حفیظ کیساتھ الجھ بیٹھے۔ بورڈ نے کھلاڑیوں کو تنبیہ کر دی جبکہ اس معاملے کو اٹھانے کے لیے محمد عامر بھی کود پڑے۔
تفصیلات کے مطابق جنوبی افریقا کیخلاف پہلے ٹی ٹونٹی میچ میں شاندار سنچری کی بدولت پاکستان کو کامیابی سے ہمکنار کروانے والے وکٹ کیپر بلے باز محمد رضوان انگلینڈ، نیوزی لینڈ اور جنوبی افریقا کے خلاف ٹیسٹ اور ٹی ٹوئنٹی میچوں میں زبردست کارکردگی پر دنیا بھر سے تعریفیں سمیٹ رہے ہیں۔
1st wicketkeeper to score a T20I century
— Pakistan Cricket (@TheRealPCB) February 12, 2021
5th wicketkeeper in the world to hit a T20I century
2nd player to hit a century in all three formats in International cricket
2nd wicketkeeper in the world to hit a century in all three formats in International cricket#PAKvSA pic.twitter.com/grfFrKHgkj
محمد رضوان نے ٹی ٹوئنٹی میں تھری فیگر اننگز کھیل کر تمام فارمیٹس میں سنچری بنانے والے پہلے پاکستانی اور برینڈن میک کولم کے بعد دنیا کے دوسرے وکٹ کیپر بلے باز ہونے کا اعزاز بھی اپنے نام کیا اور ان کے اس ریکارڈ پر قومی ٹیم کے ٹی ٹوئنٹی اسپیشلسٹ محمد حفیظ نے کھل کر تعریف کی۔
Congratulations @iMRizwanPak on scoring T20 . U r a Star shining star Wonder how long u need to prove that u r NO1 wicketkeeper/Batsman in pakistan in all formats of the game. Just asking pic.twitter.com/e5fSNIaCmN
— Mohammad Hafeez (@MHafeez22) February 11, 2021
سماجی رابطے کی ویب سائٹ پر اپنی ٹوئٹ میں گزشتہ سال ٹی ٹوئنٹی کے ٹاپ اسکورر محمد حفیظ نے رضوان کو سنچری بنانے پر مبارکباد دیتے ہوئے کہا کہ آپ چمکتے ہوئے ستارے ہیں لیکن مجھے حیرت ہوتی ہے کہ آپ کو کب تک یہ ثابت کرنے کی ضرورت ہے کہ آپ کرکٹ کے تمام فارمیٹس میں پاکستان کے نمبرون وکٹ کیپر بیٹسمین ہیں۔
حفیظ کی جانب سے محمد رضوان کے حق میں یہ تعریفی کلمات سابق کپتان سرفراز احمد سے برداشت نہ ہوئے اور انہوں نے جواب میں کہا کہ حفیظ بھائی صاحب! امتیاز احمد، وسیم باری، تسلیم عارف، سلیم یوسف، معین خان اور راشد لطیف سے لے کر کامران اکمل اور اب محمد رضوان تک جو بھی پاکستان کے لیے کھیلا وہ نمبر ون ہی رہے ہیں اور اسی کے مطابق ان کی عزت کی جاتی ہے۔
Hafeez bhai Sb, whoever has played for Pakistan from Imtiaz Ahmed, Wasim Bari, Tasleem Arif to Saleem Yousuf and from Moin Khan, Rashid Latif to Kamran Akmal and even Rizwan right now has always been number ONE for the country and have been respected accordingly. https://t.co/dF7BScOurl
— Sarfaraz Ahmed (@SarfarazA_54) February 12, 2021
اس دوران پاکستان کرکٹ بورڈ اور خاص طور پر قومی ٹیم کے کوچز وقار یونس اور مصباح الحق سے ناراض قومی ٹیم کے سابق فاسٹ بولر محمد عامر بھی حفیظ سے بدلہ لینے کے لیے میدان میں کود پڑے۔
عامر نے ٹوئٹ میں کہا کہ بابو! آپ بھی پاکستان میں نمبر ون وکٹ کیپر بیٹسمین ہیں اور آپ کی کپتانی میں ٹی ٹوئنٹی ٹیم 2 سال نمبر ون رہی اور سب سے بڑھ کر چیمپئن ٹرافی پاکستان آئی۔
babu u also a number 1 wicketkeeper batsman in Pakistan or ap ki hi captain the jab team 2 saal team no 1 rhi in t20 or sab se bar kar champions trophy so u are pride of Pakistan big respect or maze ki bat logon kam hai awein ka bolna so enjoy bro
— Mohammad Amir (@iamamirofficial) February 13, 2021
انہوں نے کہا کہ سرفراز آپ پاکستان کا فخر ہیں اور مزے کی بات لوگوں کا کام ہے فضول باتیں کرنا لہذا انجوائے کریں۔
مزید برآں پی سی بی کے باسز سرفراز احمد کی دوران سیریز ٹوئٹر پر لفظی جنگ سے نالاں ہو گئے۔ کرکٹ بورڈ کے اعلیٰ حکام نے سرفراز احمد اور محمد حفیظ کی ٹوئٹر پر گفتگو کا نوٹس لے لیا۔
ٹیم مینجر منصور رانا کی سرفراز احمد اور محمد حفیظ سے ٹیلی فونک گفتگو ہوئی ہے، پی سی بی کی طرف سے سرفراز احمد کو تنبیہ کی گئی دونوں کھلاڑیوں کو معاملہ رفع دفع کرنے کی ہدایت کردی گئی۔
