لاہور: (دنیا نیوز) پاکستان کرکٹ بورڈ نے قومی کھلاڑیوں کے سینٹرل کنٹریکٹ کا اعلان کر دیا، بابر اعظم، حسن علی، محمد رضوان اور شاہین آفریدی کو کیٹگری اے میں شامل کیا گیا ہے۔
پی سی بی نے کھلاڑیوں کی ماہانہ آمدن میں 25 فیصد اضافہ کیا ہے جبکہ تمام کیٹگریز کیلئے یکساں میچ فیس مقرر کی گئی ہے۔ بورڈ نے بی کیٹگری میں اظہر علی، فہیم اشرف ، فخر زمان ، فواد عالم ، شاداب خان اور یاسر شاہ کو شامل کیا ہے جبکہ سرفراز احمد ،عابد علی ، امام الحق ، حارث رؤف ، حسنین ، محمد نواز اور نعمان علی سی کیٹگری میں شامل ہیں۔
PCB announced the list of central contracts for the 2021-22 season
— Pakistan Cricket (@TheRealPCB) July 2, 2021
More Details https://t.co/2OCHbeInuW pic.twitter.com/bO7I6WfBUH
ایمرجنگ کیٹگری میں عمران بٹ، شاہنواز دھانی اور عثمان قادر کو شامل کیا گیا ہے۔ چیف ایگزیکٹو پی سی بی وسیم خان کا کہنا ہے کہ 8 نئے کھلاڑیوں کوکنٹریکٹ دیا گیا اور 9 سے واپس لیا گیا ہے۔ لیکن انکے لئے بھی دروازے کھلے ہیں اور یہ سلیکٹرز کے پلانز کا حصہ ہیں۔
