لاہور: (ویب ڈیسک) ویسٹ انڈین بلے باز کرس گیل نے پاکستان کیساتھ اظہار یکجہتی کرتے ہوئے پاکستان آنے کا اعلان کر دیا، سابق کپتان محمد حفیظ نے کرس گیل کا خیرمقدم کیا ہے۔
ویسٹ انڈین بیٹسمین کرس گیل کے پاکستان کیساتھ اظہار یکجہتی کرتے ہوئے حوصلہ افزا ٹوئٹ نے پاکستانیوں کے دل جیت لئے، ٹویٹر پیغام میں کہا کہ میں پاکستان جا رہا ہوں، میرے ساتھ کون آرہا ہے؟ ان کی یہ پوسٹ دیکھتے ہی دیکھتے وائرل ہو گئی، پاکستانی کرکٹ شائقین کرس گیل کی پاکستان سے محبت کی بھرپور تعریف کرتے نظر آئے۔
I’m going to Pakistan tomorrow, who coming with me?
— Chris Gayle (@henrygayle) September 18, 2021
پاکستانی سابق کپتان محمد حفیظ نے کرس گیل کے اس اعلان کا بھرپور خیر مقدم کیا، کہا کہ آپ ہمارے سچے چمپئن ہیں، پاکستان کی جانب سے ڈھیروں پیار آپ کے نام کرتے ہیں۔
Welcome @henrygayle U r a true Champion loads of love from Pakistan https://t.co/Dbe2iUAWEA
— Mohammad Hafeez (@MHafeez22) September 18, 2021
واضح رہے کہ نیوزی لینڈ کی ٹیم سکیورٹی وجوہات کو بہانہ بنا کر سیریز منسوخ گذشتہ روز واپس چلی گئی تھی، اس اقدام سے ایک جانب تو پاکستان کرکٹ بورڈ کو 15 ملین ڈالر تک کا نقصان ہوا تو دوسری جانب پاکستانی کرکٹ شائقین میں مایوسی پھیل گئی تھی۔
یہ بھی پڑھیں: نیوزی لینڈ کی کرکٹ ٹیم خصوصی طیارے پر واپس روانہ
پاکستان کرکٹ بورڈ کے چیئر مین رمیز راجہ کا اس حوالے سے کہنا تھا کہ نیوزی لینڈ کی جانب سے سیریز منسوخ کیے جانے کے بعد تکلیف محسوس کررہا ہوں۔ سوچا کچھ تھا لیکن جو ہوا اس پر دکھ ہے، ماضی میں بھی ایسی صورتحال سے گزرے اور ہمیشہ آگے بڑھے۔
