بھارتی میڈیا رپورٹس کے مطابق ہاردیک پانڈیا سے گھڑیاں اس وقت ضبط کی گئیں جب وہ اتوار کی رات ٹیم انڈیا کے باقی ممبران کے ہمراہ آئی سی سی مینز ٹی 20 ورلڈ کپ سے باہر ہونے کے بعد دبئی سے گھر واپس آ رہے تھے۔

ممبئی کے کسٹم ڈپارٹمنٹ نے ہاردیک پانڈیا سے 5 کروڑبھارتی روپے کی دو گھڑیاں ضبط کرتے ہوئے کہا کہ کرکٹر کے پاس نہ تو گھڑیوں کا بل تھا اور نہ ہی انہوں نے کسٹم کی اشیاء قرار دیا تھا۔

دبئی سے واپسی پر جیسے ہی پانڈیا ممبئی ہوائی اڈے پر پہنچے تو محکمہ کسٹم نے ان کے پاس یہ دو گھڑیاں پائی اور انہیں ضبط کر لیا۔

میڈیا رپورٹس کے مطابق 28 سالہ آل راؤنڈر کو فیشن آئیکون کے طور پر دیکھا جاتا ہےجبکہ وہ دنیا کی مہنگی ترین گھڑیوں کے مالک بھی ہیں۔

رپورٹ کے مطابق ہاردیک پانڈیا کے پاس ایک Patek Philippe Nautilus Platinum 5711 گھڑی ہے جس کی قیمت تقریباً 5 کروڑ روپے ہے جبکہ وہ اکثر ان کو یہ گھڑی پہنے ہوئے بھی دیکھا جاتا ہے اور حالیہ فوٹو شوٹ کے دوران بھی بھارتی کرکٹر نے اس گھڑی کو پہناہوا تھا۔