لاہور: (ویب ڈیسک) پاکستان نے تین میچوں پر مشتمل سیریز کے دوسرے میچ میں ویسٹ انڈیز کو 9 رنز سے پچھاڑ کر سیریز جیت لی۔ آل راؤنڈ کارکردگی دکھانے پر شاداب خان مرد میدان قرار پائے۔
تفصیلات کے مطابق پاکستان اور ویسٹ انڈیز کے درمیان کھیلے جانے والے سیریز کے دوسرے ٹی ٹونٹی میچ میں میزبان ٹیم کے کپتان بابر اعظم نے ٹاس جیت کر پہلے بیٹنگ کا فیصلہ کیا۔ قومی ٹیم میں کوئی تبدیلی نہیں کی گئی جبکہ تھامس کی جگہ ہیڈن والش جونیئر کو ٹیم کا حصہ بنایا گیا۔
ویسٹ انڈیز بیٹنگ:
ہدف کے تعاقب میں ویسٹ انڈیز کی طرف سے اننگز کا آغاز شائی ہوپ اور برینڈن کنگ نے کیا تاہم ہوپ 1 رن بنا کر محمد وسیم کی گیند پر افتخار احمد کو کیچ دے بیٹھے، بروکس کی اننگز 10 رنز پر ڈھیر ہو گئی، کپتان نکولس پوران نے 26 گیندوں پر 26 رنز بنائے۔
رومن پاول محض 4 سکور بنا کر محمد وسیم جونیئر کو وکٹ دے بیٹھے، کنگ کی مزاحمتی اننگز 67 رنز پر جواب دے گئی، حارث رؤف نے وکٹ حاصل کی۔ سمتھ اور ڈیرکس نے بالترتیب 12 اور صفر کی باری کھیلی۔ عقیل حسین 2 سکوربنا کر رن آؤٹ ہو گئے۔
CONGRATULATIONS!
— Pakistan Cricket (@TheRealPCB) December 14, 2021
Second T20I: Pakistan beat West Indies by nine runs
Pakistan win three-match series 2-0, third match to be played on Thursday. #PAKvWI #HumTouKhelainGey pic.twitter.com/dOoLVHdfxR
شیفرڈ نے 35 رنز کی ناٹ آؤٹ اننگز کھیلی۔ ویسٹ انڈیز کی ٹیم 163 رنز بنا سکی۔ شاہین شاہ آفریدی نے 3 شکار کیے، حارث رؤف، محمد نواز اور محمد وسیم کے حصے میں دو دو وکٹیں آئیں۔
پاکستانی بیٹنگ:
اس سے قبل قومی ٹیم کی طرف سے دوسرے ٹی ٹونٹی میچ میں اننگز کا آغاز قومی ٹیم کے کپتان بابر اعظم اور وکٹ کیپر بیٹسمین محمد رضوان نے کیا۔
پاکستان کو پہلا نقصان 14 کے مجموعی سکور پر اٹھانا پڑا جب بابر اعظم 7 رنز بنا کر رن آؤٹ ہو گئے، فخر زمان مسلسل دوسری اننگز میں بھی بڑی نہ کھیل سکے اور 10 رنز بنا کر عقیل حسین کا نشانہ بن گئے۔
وکٹ کیپر بلے باز محمد رضوان 30 گیندوں پر 38 رنز بنا کر سمتھ کی گیند پر پویلین لوٹے، حیدر علی نے 34 گیندوں پر 31 رنز کی باری کھیلی، محمد نواز ایک سکور بنا کر چلتے بنے۔
آصف علی ایک مرتبہ پھر ناکام رہے اور 9 رن بنا کر پویلین لوٹے۔ اس دوران افتخار احمد نے جارحانہ اننگز کھیلی اور 19 گیندوں پر 32 سکور بنائے، ان کی اننگز میں ایک چوکا اور دو چھکے شامل تھے، تھامس کی گیند پر پوران کو کیچ دے بیھٹے۔ وسیم جونیئر 5 رنز پر ہمت ہار بیٹھے۔
نائب کپتان شاداب خان نے 28 رنز کی ناٹ آؤٹ باری کھیلی۔ قومی ٹیم نے مقررہ اوورز میں 172 رنز بنائے۔ سمتھ نے دو شکار کیے۔
پاکستان سکواڈ:
Pakistan win toss, elect to bat first.#PAKvWI#HumTouKhelainGey pic.twitter.com/JnuE6NXYpT
— Pakistan Cricket (@TheRealPCB) December 14, 2021
بابر اعظم( کپتان)، محمد رضوان ، فخر زمان، حیدر علی، افتخاراحمد، آصف علی، شاداب خان، محمد نواز، محمد وسیم جونیئر، حارث رؤف، شاہین شاہ آفریدی
ویسٹ انڈیز سکواڈ:
Devon Thomas Hayden Walsh Jr in - only one change as we head into the second T20I in Karachi https://t.co/Y6su3ffhFi | #PAKvWI pic.twitter.com/EH9vvkof4W
— ESPNcricinfo (@ESPNcricinfo) December 14, 2021
برینڈن کنگ، شائی ہوپ، نکولس پوران، بروکس، رومن پاول، سمتھ، ڈومینک ڈریکس، ہیڈن والش جونیئر، عقیل حسین، شیپرڈ، تھامس
