لاہور:(ویب ڈیسک)پاکستان کرکٹ ٹیم کے نوجوان فاسٹ باؤلر شاہنواز دھانی کے ناک کی سرجری ہوگئی۔
لاڑکانہ سے تعلق رکھنے والے شاہنواز دہانی کی کراچی کے نجی ہسپتال میں ناک کی کامیاب سرجری ہوئی جس میں ان کے ناک میں بچپن سے پھنسا کنکر نکال لیا گیا ہے۔
2گھنٹے کی سرجری اور ریکوری کے بعد قومی ٹیم کے فاسٹ باؤلر کو ہسپتال سے ڈسچارج کردیا گیا ہے جبکہ انہیں 4 جنوری کو اگلے چیک اپ کیلئے بلوایا گیا ہے۔
واضح رہے کہ فاسٹ باؤلر کو ناک کے مسئلے کی وجہ سے اکثر سانس لینے میں مشکل کا سامنا کرنا پڑتا تھا۔
شاہنواز دھانی کے بچپن میں لگی چوٹ کی وجہ سے متاثر ہونیوالی ناک کی ہڈی بھی ٹھیک کردی گئی ہے اور وہ پی ایس ایل کے 7ویں ایڈیشن کے آغاز سے قبل مکمل طور پر ٹھیک ہوجائیں گے۔
ناک کی کامیاب سرجری کے بعد قومی کرکٹر کی جانب سے سماجی رابطے کی ویب سائٹ ٹوئٹر پر پیغام جاری کرتے ہوئے اپنے چاہنے والوں کو اس بارے آگاہ کیا گیا۔
Today I went through a Successful Surgery of Nasal septum. I had been facing breathing problems due to deviated Nasal Septum for long time. After consultation of medical team of @TheRealPCB. and advice of my Family I went through this surgery. Alhamdulillah,feeling better now. pic.twitter.com/AAHmsolQtq
— Shahnawaz Dahani (@ShahnawazDahani) December 27, 2021
