لاہور:(ویب ڈیسک) آسٹریلیا کے خلاف پنڈی ٹیسٹ میچ کا پہلے روز پاکستان کے نام رہا، قومی ٹیم نے امام الحق کی شاندار سنچری کی بدولت صرف 1 وکٹ کے نقصان پر 245 رنز بنالئے ہیں۔
راولپنڈی کرکٹ سٹیڈیم میں پاکستان اور آسٹریلیا کے مابین پہلا ٹیسٹ میچ جاری ہے جس میں قومی ٹیم کے کپتان بابر اعظم نے ٹاس جیت کر پہلے بیٹنگ کا فیصلہ کیا۔ پاکستان کی جانب سے عبداللہ شفیق اور امام الحق نے اننگز کا آغاز کیا اور قومی ٹیم کو پہلا نقصان 105 رنز پر ہوا جب عبداللہ شفیق چھکا لگانے کی کوشش میں نیتھن لیون کی گیند پر کیچ آؤٹ ہو گئے، انہوں نے 44 رنز کی اننگز کھیلی۔
Pindi crowd has a lot to say#BoysReadyHain l #PAKvAUS pic.twitter.com/MwquhEpOis
— Pakistan Cricket (@TheRealPCB) March 4, 2022
اوپننگ بلے باز امام الحق نے اپنے ٹیسٹ کیریئر کی پہلی سنچری سکور کی، وہ 132رنز اور اظہر علی64 سکور بناکر وکٹ پر موجود ہیں۔
UP!#BoysReadyHain l #PAKvAUS pic.twitter.com/O6Zxdw1v4P
— Pakistan Cricket (@TheRealPCB) March 4, 2022
قبل ازیں قومی کپتان بابر اعظم کا کہنا تھا کہ سیریز کیلئے پر جوش ہیں، کوشش کریں گے کہ اچھا کھیل پیش کریں، ٹیم میں 2 سپنرز شامل کیے ہیں۔
Apna hi ghar samjhein #BoysReadyHain l #PAKvAUS pic.twitter.com/R6K9RwoiHn
— Pakistan Cricket (@TheRealPCB) March 4, 2022
پاکستان سکواڈ
آسٹریلیا کے خلاف میچ کے لئے قومی ٹیم کے سکواڈ میں کپتان بابر اعظم، محمد رضوان، امام الحق، عبداللہ شفیق، اظہر علی، فواد عالم، افتخار احمد، ساجد خان، نعمان علی، شاہین شاہ آفریدی اور نسیم شاہ شامل ہیں۔
آسٹریلین سکواڈ
پاکستان کے خلاف میچ کے لئے آسٹریلین سکواڈ میں کپتان پیٹ کمنز، عثمان خواجہ، ڈیوڈ وارنر، مارنس لبوشین، سٹیو سمتھ، ٹریوس ہیڈ، کیمرون گرین، الیکس کیری، مچل سٹارک، نیتھن لیون اور جوش ہیزل ووڈ شامل ہیں۔
میچ سے قبل پاکستان کرکٹ بورڈ کے سی ای او فیصل حسنین نے میڈیا سے گفتگو کرتے ہوئے کہا کہ آسٹریلوی ٹیم کے دورہ پاکستان پر شکر گزار ہیں، پاکستان کرکٹ کی تاریخ کا آج اہم دن ہے، حالیہ سیریز سے دنیا کو مثبت اور مضبوط پیغام جائے گا، پاکستانی عوام کی جانب سے مہمانوں کو خوش آمدید کہتے ہیں، دونوں ٹیموں کے درمیان دلچسپ مقابلہ دیکھنا چاہتے ہیں۔
خیال رہے کہ پاکستان اور آسٹریلیا کے درمیان اب تک ہونے والے ٹیسٹ مقابلوں میں آسٹریلیا کو پاکستان پر واضح برتری حاصل ہے، 66 ٹیسٹ میچز میں 33 مرتبہ جیت کینگروز کا مقدر بنی، شاہینوں نے 15 بار میدان مارا جبکہ 18 میچز بے نتیجہ ختم ہوئے۔
