لاہور:(ویب ڈیسک) ویسٹ انڈیز کرکٹ ٹیم کے سابق کپتان اور پاکستان سپر لیگ (پی ایس ایل) کی فرنچائز پشاور زلمی کے کوچ ڈیرن سیمی کو ستارہ پاکستان ایوارڈ سے نواز دیا گیا ہے۔
سماجی رابطے کی ویب سائٹ انسٹاگرام پر ایوارڈ وصول کرنے کی تصاویر شیئر کرتے ہوئے ڈیرن سیمی نے لکھا کہ یہ ستارہ پاکستان میرے لیے بہت بڑا اعزاز ہے اور میں بہت فخر محسوس کر رہا ہوں، انہوں نے ایک بار پھر پاکستان سے محبت کا اظہار کیا اور کہا کہ پاکستان ان کے گھر جیسا ہے۔
پشاور زلمی کے چیئرمین جاوید آفریدی نے ستارہ پاکستان پر ڈیرن سیمی کو مبارک باد دیتے ہوئے کہا کہ پاکستان میں انٹرنیشنل کرکٹ کی بحالی میں سیمی کا کردار سنہری حروف میں یاد رکھا جائے گا۔
CONGRATULATIONS Brother @darensammy88 ! Well Deserved Sitara-i-Pakistan !
— Javed Afridi (@JAfridi10) May 30, 2022
Your Contribution for Pakistan Cricket Revival will be in Golden Words & in our Hearts Forever. #PakistanZindabad https://t.co/i5PoPHhiOO pic.twitter.com/TH6Caygl9Y
خیال رہے کہ پاکستان میں انٹرنیشنل کرکٹ کی بحالی اور خدمات پر حکومت پاکستان نے گزشتہ سال ستارہ پاکستان دینے کا اعلان کیا تھا، ستارہ پاکستان کا اعزاز ڈیرن سیمی کو ان کے شہر میں موصول ہوا، انہوں نے شلوار قمیض زیب تن کرکے ایوارڈ وصول کیا۔
