لاہور: (ویب ڈیسک) پاکستان کرکٹ ٹیم کے وکٹ کیپر بیٹر محمد رضوان نے ایک مرتبہ پھر شائقین کے دل جیت لئے، نیدرلینڈز سے دبئی پہنچنے والی قومی ٹیم کے بلے باز کی دوران سفر قرآن مجید پڑھنے کی ویڈیو سب کی توجہ کا مرکز بن گئی۔
سماجی رابطے کی ویب سائٹ ٹوئٹر پر پاکستان کرکٹ بورڈ (پی سی بی) کی جانب سے ٹی 20 ایشیا کپ 2022ء کے لیے ٹیم کی دبئی آمد کی ویڈیو شیئر کی گئی تھی، شیئر کی گئی ویڈیو میں کھلاڑی دبئی پہنچنے کے بعد بس میں سفر کے دوران مختلف سرگرمیوں میں مصروف تھے، کوئی موبائل استعمال کررہا تھا تو کوئی کافی پی رہا تھا مگر سب سے خاص بات یہ تھی کہ محمد رضوان قرآن کی تلاوت کرتے ہوئے دکھائی دیئے۔
Amsterdam to Dubai
— Pakistan Cricket (@TheRealPCB) August 23, 2022
The travel diary of the Pakistan team #AsiaCup2022 | #BackTheBoysInGreen pic.twitter.com/GfrFKYhdbM
محمد رضوان کی جانب سے قرآن مجید کی تلاوت کرنے کی ویڈیو نے شائقین کے دلوں میں گھر کرلیا، شائقین نے اس بات کو خوب پسند کیا اور ٹوئٹر پر تبصروں کے ڈھیر لگ گئے۔
وکٹ کیپر بیٹر کی ویڈیو سوشل میڈیا پر تیزی کے ساتھ وائرل ہوگئی جس کو صارفین کی جانب سے خوب پسند کیا جارہا ہے۔
Masha Allah, i noted all the players are watching on their mobile phones, but Rizwan Bhai is reading Quran Pak, Masha Allah pic.twitter.com/FuQVLa8KHC
— Muhammad Noor (@Noor_Marriii) August 23, 2022
اس سے قبل محمد رضوان کی ٹی 20 ورلڈ کپ میں بھارت کے خلاف میچ کے دوران نماز پڑھنے کی ویڈیو نے بھی شائقین کرکٹ کے دل جیت لئے تھے۔
Jo sir sirf Allah k aage jhukta hai,
— Aurangzeb (@m_a_muslim) October 25, 2021
Allah uss sir ko kisi aur k aage jhukne nahi deta.
(Mohammad Rizwan Offering Namaz during drinks break.)
Well Played #Pakistan
You smashed all your critics in a fabulous way.#PAKvIND pic.twitter.com/7XaCNk4myt
خیال رہے کہ پاکستانی ٹیم منگل کی صبح دبئی پہنچ گئی اور روایتی حریف بھارت کے خلاف اپنا پہلا ٹی 20 ایشیا کپ کا میچ 28 اگست کو دبئی انٹرنیشنل سٹیڈیم میں کھیلا جائے گا۔
