لاہور: ( ویب ڈیسک ) بھارت کے ہاتھوں ایشیا کپ ٹی 20 میں شکست کھانے والی ٹیم ہانگ کانگ کے آل راؤنڈر کنچٹ شاہ نے گراؤنڈ میں اپنی دوست کو شادی کی پیشکش کردی جس کی ویڈیو سوشل میڈیا پر وائرل ہوگئی ہے۔
ہار کے باوجود بھی ہانگ کانگ کی ٹیم اور آل راؤنڈر کنچٹ شاہ سوشل میڈیا پر چھائے ہوئے ہیں جس کی وجہ ان کی طرف سے اپنی دوست کو کی جانے والی شادی کی پیشکش ہے۔
سماجی رابطے کی ویب سائٹ ٹوئٹر پر ایشین کرکٹ کونسل کی جانب سے شیئر کی جانے والی ویڈیو میں کنچٹ شاہ کو بھارت کے میچ کے بعد گراؤنڈ میں اپنی دوست کو شادی کی پیشکش کرتے دیکھا جاسکتا ہے۔
She said YES!
— AsianCricketCouncil (@ACCMedia1) August 31, 2022
A heartwarming moment where Hong Kong s @shah_kinchit95 proposed to his SO after playing a big match against India
A huge congratulations to the happy couple. We wish you all the joy and happiness in your new life together #AsiaCup2022 #GetReadyForEpic pic.twitter.com/CFypYMaPxj
ویڈیو میں دیکھا جاسکتا ہے کہ کنچٹ شاہ دبئی انٹرنیشنل سٹیڈیم کی گیلری میں آئے اور اپنی دوست کے سامنے گھٹنوں کے بل بیٹھ گئے اور ان سے انگریزی میں پوچھا کیا تم مجھ سے شادی کروگی؟۔
ہانگ کانگ کے آل راؤنڈر کے سوال پر ان کی دوست نے ہاں کہہ دی اور ساتھ یہ بھی کہا کہ مجھے نہیں پتہ کہ میں اس پر کیسے برتاؤں کروں؟۔
Congrats Kinchit Shah!#INDvHKG | #HKGvIND pic.twitter.com/f9gYc6KJd4
Flashscore Cricket Commentators (@FlashCric) August 31, 2022
خیال رہے کہ 26 سالہ کنچٹ شاہ ہانگ کانگ کے لیے 10 ایک روزہ اور 44 ٹی 20 میچز کھیل چکے ہیں۔
