راولپنڈی: (دنیا نیوز) انگلینڈ کے سابق کپتان ناصر حسین نے قومی ٹیم کے کپتان بابر اعظم کی سنچری کرنے پر تماشائیوں کے جشن پر کمنڑی کرتے ہوئے ویڈیو سوشل میڈیا پر شیئر کردی۔
ویڈیو میں ناصر حسین کو سنا جاسکتا جس میں انگلش کمنٹیٹر خوشی کے لمحات بتاتے ہوئے کہ رہے ہیں کہ یہ زبر دست لمحات ہیں، ٹیسٹ میچ کے پہلے دو روز تماشائیوں کی تعداد کم رہی لیکن آج یہ لوگ صرف سب بابر اعظم کو سنچری کرتا دیکھنے کے لیے آئے اور پاکستانی کپتان نے سنچری بناکر سب کو لاجواب کردیا۔
پاکستان اور انگلینڈ کے درمیان پنڈی ٹیسٹ کے تیسرے روز قومی ٹیم کے کپتان بابر اعظم نے اپنے ٹیسٹ کیرئیر کی آٹھویں سنچری 126 گیندوں پر ایک چھکے اور 13 چوکوں کی مدد سے مکمل کی۔
سابق ٹیسٹ کرکٹر ناصر حسین بابر اعظم کی بیٹنگ کے معترف ہیں اور چند روز قبل انہوں نے بابر اعظم کا انٹرویو بھی کیا تھا۔
— Sky Sports Cricket (@SkyCricket) December 3, 2022
Babar Azam has cruised to his 8th Test and the crowd are in raptures! pic.twitter.com/ASmyNJHVtm
نجی سپورٹس ٹی وی کی جانب سے ناصر حسین کی ویڈیو شیئر کی گئی ہے جس میں انہیں پنڈی اسٹیڈیم میں بابر اعظم کی سنچری کے وقت تماشائیوں کا جوش و خروش دیکھا جا سکتا ہے۔