لاہور : (ویب ڈیسک ) ٹی 20 ویمنز کرکٹ ٹورنامنٹ کا دوسرا مرحلہ آج سے لاہور میں شروع ہوگا۔
پاکستان کرکٹ بورڈ (پی سی بی ) کے ترجمان کے مطابق دوسرے مرحلے میں چار ٹیمیں شریک ہوں گی ،پاکستان کی ایلیٹ ویمن کرکٹرز پر مشتمل بلاسٹرز ،ڈائنامئٹس،چیلنجرز اور اسٹرائیکرز کی ٹیمیں حصہ لیں گی۔
بورڈ ترجمان کے مطابق 5 سے 7 دسمبر تک روزانہ دو میچز سنگل لیگ کی بنیاد پر ہوں گے جبکہ 9 دسمبر کو ایونٹ کا فائنل قذافی اسٹیڈیم لاہور میں کھیلا جائے گا-
ترجمان کا کہنا تھا کہ ٹورنامنٹ کے میچز دو وینیوز ایل سی سی اے گراؤنڈ اور لاہور جمخانہ گراؤنڈ پر کھیلے جائیں گے، ایونٹ کی فاتح ٹیم کو 10 لاکھ جبکہ رنراپ کو 5 لاکھ روپے ملیں گے۔
دوسری جانب ٹی 20 ویمنز کرکٹ ٹورنامنٹ کی ٹرافی کی رونمائی بھی کردی گئی ، ٹرافی کی رونمائی کی تقریب میں چاروں ٹیموں کی کپتان شریک ہوئیں۔
T20 Women s Cricket Tournament second phase to begin from 5 December
— Pakistan Cricket (@TheRealPCB) December 4, 2022
Read more ➡️ https://t.co/zN0CPQ8mwf#BackOurGirls pic.twitter.com/PmvmWGeXKU
پی سی بی کی جانب سے سماجی رابطے کی ویب سائٹ ٹوئٹر پر ٹرافی کی رونمائی کی تصاویر اور ویڈیو بھی شیئر کی گئی ہے۔