کراچی: (ویب ڈیسک) کراچی نیشنل بینک ارینا میں پاکستان اور نیوزی لینڈ کے درمیان پہلا ٹیسٹ میچ کے دوران دوسرے روز کا کھیل جاری ہے جس میں آغا سلمان نے اپنے کیریئر کی پہلی سنچری بنا ڈالی۔
دوسرے روز پاکستان نے 4 وکٹیں گنوائیں، کپتان بابر اعظم دن کے آغاز پر 161 رنز بنا کر آؤٹ ہوئے، جبکہ نعمان علی 7، محمد وسیم 2 اور میر حمزہ 1 رن بنا کر پویلین لوٹ گئے۔
اس کے علاوہ آغا سلمان نے ٹیسٹ کیرئیر کی پہلی سنچری اسکور کی ہے۔
Splendid batting with the tail #PAKvNZ | #TayyariKiwiHai pic.twitter.com/vg417H75wK
— Pakistan Cricket (@TheRealPCB) December 27, 2022
پاکستان نے دوسرے دن کے کھیل کا آغاز 317 رنز پر 5 وکٹوں کے نقصان پر کیا، پہلے روز کپتان بابر اعظم نے ٹاس جیت کر بیٹنگ کا فیصلہ کیا۔
کپتان بابر اعظم نے سب سے زیادہ 161 رنز اسکور کیے، اور ساتھ ہی ایک دن میں 3 ریکارڈز اپنے نام کرڈالے۔
We make in the first innings
— Pakistan Cricket (@TheRealPCB) December 27, 2022
A stunning by @SalmanAliAgha1 following heroic knocks by @babarazam258 and @SarfarazA_54 #PAKvNZ | #TayyariKiwiHai pic.twitter.com/Qgnm3VH8dj
بابراعظم نے سب سے پہلے ایک کیلنڈر سال میں سب سے زیادہ انٹرنیشنل رنز بنانے والے پاکستانی کرکٹر ہونے کا اعزاز حاصل کیا، اس کے بعد انہوں نے ایک سال میں مشترکہ طور پر سب سے زیادہ انٹرنیشنل ففٹی پلس کرنے کا اعزاز حاصل کیا۔
کپتان کا تیسرا اعزاز یہ تھا کہ وہ اس سال ٹیسٹ کرکٹ میں سب سے زیادہ رنز بنانے والے بیٹر بن گئے۔
اس کے بعد ہوم گراؤنڈ پر پہلا ٹیسٹ کھیلنے والے سرفراز احمد 86 رنز بناکر آؤٹ ہوئے۔ عبداللہ شفیق نے 7، امام نے 24، شان مسعود 3 اور سعود شکیل نے 22 رنز بناکر اپنی وکٹیں گنوائیں۔
نیوزی لینڈ کی جانب سے ٹم ساؤتھی، اعجاز پٹیل اور مائیکل بریس ویل نے 2،2 وکٹیں حاصل کیں۔
