کراچی: (ویب ڈیسک) قومی کرکٹ ٹیم کے کپتان بابر اعظم نے کہا کہ کرکٹ میں چانس لیا جاتا ہے، اسی لیے دوسری اننگز ڈیکلیئر کر کے نیوزی لینڈ کو موقع دیا۔
پہلے ٹیسٹ کے اختتام پر میڈیا سے بات چیت کرتے ہوئے بابر اعظم نے کہا کہ پہلے ٹیسٹ میچ میں نیوزی لینڈ کی ٹیم کو کریڈٹ جاتا ہے کہ انہوں نے اچھی کرکٹ کھیلی، نتیجہ دینا ہمارے ہاتھ میں نہیں، محنت اور کوشش ہی کرسکتے ہیں، کرکٹ میں چانس لیا جاتا ہے، اسی لیے دوسری اننگز ڈیکلیئر کر کے نیوزی لینڈ کو موقع دیا۔
Babar Azam s press conference is underway in Karachi.
— Pakistan Cricket (@TheRealPCB) December 30, 2022
Watch Live https://t.co/XvhJkgrAGt#PAKvNZ | #TayyariKiwiHai pic.twitter.com/gxUac5KQZH
انہوں نے کہا کہ اس وقت قومی کرکٹ اور سلیکشن کمیٹی کی صورتحال ہے اس کو ہم باہر نہیں لانا چاہتے، ہم نہیں چاہتے کہ اسے سب کے سامنے بیان کیا جائے، ہماری توجہ ٹیم سے باہر نہیں ٹیم کے اندر ہے۔
قومی کپتان نے کہا کہ ہماری بیٹنگ لائن مضبوط ہو رہی ہے، چار سال کے بعد سرفراز احمد کا واپس آنا شاندار ہے، ایسے حالات میں کھلاڑی کے لیے لیے بہت مشکلات ہوتی ہیں اور وہ دباؤ کا شکار ہوتا ہے اور اُس کے لیے کم بیک کرنا آسان نہیں ہوتا ۔
یہ بھی پڑھیں: فتح کے قریب تھے مگر پاکستانی ٹیم نے اچھے کھیل کا مظاہرہ کیا، کیوی کپتان
بابر اعظم نے کہا کہ کوشش ہوتی ہے کہ منصوبہ بندی پر عمل کیا جائے، میر حمزہ اور وسیم جونیئر نے بھی شاندار بولنگ کی، وکٹ کی تیاری میں کپتان اور کوچ اپنی رائےدیتے ہیں اور اس پر عمل بھی کیا جاتا ہے، رواں سال اچھا گزرا اور ہم نے بہتر نتائج دینے کی کوشش کی۔
