لاہور: (ویب ڈیسک) قومی ٹیم کے سابق کپتان سرفراز احمد نے ساتھی کرکٹر شان مسعود کے ولیمے سے قبل منعقد کی گئی قوالی نائٹ میں اپنی آواز کا خوب جادو جگایا۔
سوشل میڈیا پر فوٹوگرافر پیج کی جانب سے جہاں شان مسعود کی قوالی نائٹ سے دلہا دلہن کی تصاویر شیئر کی گئیں وہیں سٹیج پر سرفراز احمد کے قوالی نائٹ میں اپنی آواز کا جادو جگانے کی ویڈیو بھی شیئر کی گئی ہے۔
ویڈیو میں سرفراز احمد کو بالی ووڈ سونگ ’مبارک ہو تم کو یہ شادی تمہاری‘ گاتے دیکھا جاسکتا ہے۔
اس موقع پر سرفراز نے یہ بھی بتایا کہ انہوں نے ٹیسٹ میچ کے دوران شان سے وعدہ کیا تھا کہ وہ شان کی شادی پر یہ گانا سنائیں گے۔
دوسری جانب ایک ویڈیو میں سرفراز کو گلوکاروں کے ہمراہ ’ گلابی آنکھیں جو تیری دیکھیں‘ بھی گاتے دیکھا گیا۔
