کراچی: (دنیا نیوز) پاکستان ویمنز ٹیم نے جنوبی افریقہ کو 7 وکٹوں سے شکست دیکر تین میچز پر مشتمل ٹی 20 سیریز میں فیصلہ کن برتری حاصل کرلی۔
پاکستان ویمنز ٹیم نے 151 رنز کا ہدف آخری اوور میں تین وکٹوں کے نقصان پر حاصل کرلیا، سدرہ امین نے 61 رنز کی شاندار اننگز کھیلی، پاکستان ویمنز ٹیم کو تین میچوں کی سیریز میں دو صفر کی فیصلہ کن برتری حاصل ہو گئی ہے۔
— Pakistan Cricket (@TheRealPCB) September 3, 2023
قبل ازیں کراچی نیشنل سٹیڈیم میں ہونیوالے پاکستان اور جنوبی افریقہ کی ویمن کرکٹ ٹیموں کے درمیان ٹی 20 سیریز کے دوسرے میچ میں پاکستان نے ٹاس جیت کر پہلے فیلڈنگ کا فیصلہ کیا تھا۔
پاکستان کی جانب سے دعوت پر جنوبی افریقہ ویمنز ٹیم نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 150 رنز بنائے تھے۔
— Pakistan Cricket (@TheRealPCB) September 3, 2023
جنوبی افریقہ کی جانب سے تزمین برٹس46 اور کپتان وولوارڈٹ 41 رنز بنا کر نمایاں رہیں، پاکستان کی جانب سے سعدیہ اقبال اور ناشرہ سندھو نے ایک ،ایک وکٹ حاصل کی۔
