احمد آباد: (دنیا نیوز) آئی سی سی کرکٹ ورلڈ کپ 2023ء کے سب سے بڑے ٹاکرے میں بھارت نے پاکستان کو 7 وکٹوں سے شکست دے کر فتح سمیٹ لی۔
پاکستان کے 192 رنز کے ہدف کے تعاقب میں بھارت نے اننگز کا جارحانہ آغاز کیا تاہم تیسرے ہی اوور میں شبمن گل شاہین شاہ آفریدی کی بال پر شاداب خان کو کیچ تھما بیٹھے، بھارتی اوپنر نے 11 بالز پر 4 چوکوں کی مدد سے 16 رنز بنائے۔
— ESPNcricinfo (@ESPNcricinfo) October 14, 2023
شبمن گل کے بعد ویرات کوہلی بھی متاثر کن اننگز نہ کھیل سکے، ویرات کوہلی 18 گیندوں پر 16 رنز بنا کر حسن علی کی گیند پر کیچ آؤٹ ہوگئے۔
— CricInformer (@CricInformer) October 14, 2023
بھارتی کپتان روہت شرما نے جارحانہ بیٹنگ کا مظاہرہ کرتے ہوئے 63 گیندوں پر 6 چھکوں اور 6 چوکوں کی مدد سے شاندار 86 رنز کی اننگز کھیلی، روہت شرما شاہین کی گیند پر کیچ تھما کر پویلین لوٹے۔
— ESPNcricinfo (@ESPNcricinfo) October 14, 2023
روہت شرما کے آؤٹ ہونے کے بعد شریاس اور کے ایل راہول نے جم کر بیٹنگ کی اور 30ویں اوور کی تیسری بال پر مطلوبہ ہدف حاصل کر لیا، شریاس نے ناقابل شکست 63 رنز کی اننگز کھیلی جبکہ کے ایل راہول 19 رنز کے ساتھ ناٹ آؤٹ رہے۔
— ICC (@ICC) October 14, 2023
پاکستان کی جانب سے شاہین شاہ آفریدی نے 2 جبکہ حسن علی نے ایک کھلاڑی کو آؤٹ کیا۔
پاکستان کی اننگز
میچ کی پہلی اننگز میں قومی کرکٹ ٹیم کی بیٹنگ لائن شروع سے ہی مشکلات کا شکار رہی، اوپنر بلے باز عبداللہ شفیق 20 رنز بنا کر محمد سراج کی گیند پر ایل بی ڈبلیو آؤٹ ہو گئے جبکہ امام الحق 36 رنز پر ہاردک پانڈیا کی گیند کا شکار بنے۔
— Pakistan Cricket (@TheRealPCB) October 14, 2023
ابتدائی 2 وکٹیں گرنے کے بعد کپتان بابر اعظم اور محمد رضوان نے ذمہ دارانہ بیٹنگ کرتے ہوئے ٹیم کو سنبھالا دیا، تاہم بابر اعظم 50 رنز پر سراج کی گیند پر پویلین لوٹ گئے، سعود شکیل بھی 6 رنز کے مہمان ثابت ہوئے جبکہ افتخار احمد 4 رنز بنا کر کلدیپ کی گیند پر بولڈ ہو گئے۔
— Pakistan Cricket (@TheRealPCB) October 14, 2023
اس کے بعد بھی پاکستان کی وکٹیں گرنے کا سلسلہ نہ رک سکا، وکٹ کیپر بلے باز محمد رضوان کو 49 رنز پر بمراہ نے کلین بولڈ کر دیا جبکہ نائب کپتان شاداب خان بھی جسپریت کا شکار بن گئے، دیگر کھلاڑیوں میں حسن علی نے 12، محمد نواز 4 اور حارث رؤف نے 2 رنز کی اننگز کھیلی۔
بھارت کی جانب سے بمراہ، سراج، ہاردک پانڈیا، کلدیپ یادیو اور جڈیجا نے 2، 2 وکٹیں حاصل کیں۔
— Pakistan Cricket (@TheRealPCB) October 14, 2023
دونوں ٹیموں کے درمیان میچ احمد آباد میں نریندرا مودی سٹیڈیم میں کھیلا گیا جس میں قومی ٹیم کی قیادت بابر اعظم اور بھارت کی کمان روہت شرما کے ہاتھوں میں تھی۔
ٹاس
ٹاس کے موقع کپتان بابر اعظم کا کہنا تھا کہ ٹاس جیتتے تو ہم بھی پہلے فیلڈنگ ہی کرتے، ٹیم کا مورال بلند ہے، کوئی تبدیلی نہیں کی، وننگ کمبی نیشن کے ساتھ میدان میں اتر رہے ہیں، بھارت کو بڑا ٹارگٹ دینے کی کوشش کریں گے۔
— Pakistan Cricket (@TheRealPCB) October 14, 2023
دوسری جانب بھارتی کپتان روہت شرما نے کہا کہ شائقین کرکٹ کا جذبہ دیدنی ہے، آج کے میچ سے بڑھ کر کوئی مقابلہ نہیں ہو سکتا، شبمن گل کی ٹیم میں واپسی ہوئی ہے۔
— BCCI (@BCCI) October 14, 2023
خیال رہے کہ ورلڈکپ 2023ء میں پاکستانی کرکٹ ٹیم کی یہ پہلی شکست ہے، قومی ٹیم اس سے پہلے نیدرلینڈز اور سری لنکا کے خلاف کھیلے جانے والے اپنے دونوں میچز جیت چکی ہے جبکہ بھارت نے آج ایونٹ میں مسلسل تیسری فتح حاصل کی ہے۔
