لاہور: (دنیا نیوز) پاکستان سپر لیگ کے نویں ایڈیشن کے لیے کھلاڑیوں کی ڈرافٹنگ مکمل ہو گئی، تمام 6فرنچائزز نے 18رکنی سکواڈ کو فائنل کرلیا۔
لاہورمیں نیشنل کرکٹ اکیڈمی میں ہونیوالی پی ایس ایل 9 کے پلیئرز ڈرافٹ کی تقریب میں فرنچائزز کے مالکان، چیئرمین پی سی بی منیجمنٹ کمیٹی ذکا اشرف اور کرکٹرز شریک ہوئے۔
ملتان سلطانز نے پلاٹینم کیٹیگری کے راؤنڈ ون میں اپنی پہلی پک میں انگلینڈ کے فاسٹ بولر ڈیوڈ ولی کو پک کرلیا، کراچی کنگز نے پلاٹینم راؤنڈ ون کی دوسری پک میں ویسٹ انڈیز سے تعلق رکھنے والے کیرون پولارڈ کو چن لیا۔
— PakistanSuperLeague (@thePSLt20) December 13, 2023
کوئٹہ گلیڈی ایٹرز نے پلاٹینم راؤنڈ ون کی تیسری پک میں ویسٹ انڈیز کے ہی شیرفن ردرفورڈ اور محمد عامر کا انتخاب کیا، پشاور زلمی نے چوتھی پک میں افغانستان کے نور احمد کا انتخاب کرلیا جبکہ لاہور قلندرز نے پلاٹینم راؤنڈ ون کی چھٹی پک میں فخر زمان کا انتخاب کرلیا۔
لاہور قلندرز نے پلاٹینم کے دوسرے راؤنڈ کی پہلی پک میں جنوبی افریقا کے راسی وین ڈر ڈوسن کا انتخاب کرلیا، اسلام آباد یونائیٹڈ نے پلاٹینم راؤنڈ ٹو کی دوسری پک میں انگلینڈ کے جورڈن کاکس کو پک کرلیا جبکہ کراچی کنگز نے پلاٹینم راؤنڈ ٹو کی تیسری پک میں آسٹریلوی آل راؤنڈر ڈینئل سیمز جبکہ چوتھی اور آخری پک میں محمد نواز کو ٹیم کا حصہ بنالیا۔
— PakistanSuperLeague (@thePSLt20) December 13, 2023
ڈائمنڈ کیٹیگری کے راؤنڈ ون کی پہلی پک میں ملتان سلطانز نے انگلینڈ کے ڈیوڈ ملان کا انتخاب کرلیا، پشاور زلمی نے آصف علی جبکہ اسلام آباد یونائیٹڈ نے انگلینڈ کے بولر ٹائمل ملز کو ٹیم کا حصہ بنایا، کراچی کنگز نے ڈائمنڈ راؤنڈ ون کی چوتھی پک میں نیوزی لینڈ کے ٹم سائفرٹ جبکہ لاہور قلندرز نے ڈائمنڈ راؤنڈ ون کی پانچویں پک میں صاحبزادہ فرحان کو چن لیا۔
— PakistanSuperLeague (@thePSLt20) December 13, 2023
گولڈ کیٹیگری میں پشاور زلمی نے نوین الحق کو ٹیم میں شامل کیا جبکہ ملتان سلطانز نے ریزا ہینڈرکس اور ریسی ٹوپلی کا انتخاب کیا۔
— PakistanSuperLeague (@thePSLt20) December 13, 2023
سلور کیٹیگری کے راؤنڈ ون میں کوئٹہ گلیڈی ایٹرز نے پہلی پک میں سعود شکیل، ملتان سلطانز نے طیب طاہر اور شاہ نواز دھانی، لاہور قلندرز نے محمد عمران جونیئر، کراچی کنگز نے محمد عامر خان اور پشاور زلمی نے عارف یعقوب کو ٹیم میں شامل کیا۔
— PakistanSuperLeague (@thePSLt20) December 13, 2023
سلور کیٹیگری راؤنڈ ٹو میں اسلام یونائیٹڈ نے میتھیو فورڈ اورسلمان علی آغا ، لاہورقلندرز نے احسن بھٹی کو سلیکٹ کرلیا جبکہ کوئٹہ گلیڈی ایٹرز نے سجاد علی جونیئر اور ملتان سلطانز نے محمد علی کو اپنی ٹیم کا حصہ بنالیا۔
— PakistanSuperLeague (@thePSLt20) December 13, 2023
سلورکیٹیگری راؤنڈ تھری میں کوئٹہ گلیڈی ایٹرز نے عثمان قادر، لاہورقلندرز نے ڈان لارنس، ملتان سلطانز نے عثمان خان اور پشاور زلمی نے عمیر آفریدی کو سلیکٹ کرلیا جبکہ اسلام آباد یونائیٹڈ نے قاسم اکرم اور کراچی کنگز نے انور علی کو منتخب کرلیا۔
— PakistanSuperLeague (@thePSLt20) December 13, 2023
سلور کیٹیگری راؤنڈ فور میں کراچی کنگز نے عرفات منہاس ، پشاور زلمی نے ڈان موسلے اور اسلام آباد نے شہاب خان کو منتخب کرلیا ہے۔
— PakistanSuperLeague (@thePSLt20) December 13, 2023
ایمرجنگ کیٹیگری کے پہلے راؤنڈ میں اسلام آباد یونائیٹڈ نے نسیم شاہ کے بھائی حنین شاہ کوپک کرلیا، پشاور زلمی نے محمد ذیشان، ملتان سلطانز نے یاسرخان، لاہور قلندرز نے جہانداد خان، کوئٹہ گلیڈی ایٹرز نے عادل ناز اور کراچی کنگز نے سراج الدین کو منتخب کیا۔
— PakistanSuperLeague (@thePSLt20) December 13, 2023
ایمرجنگ کیٹیگری راؤنڈ 2 میں کوئٹہ گلیڈی ایٹرز نے خواجہ نافع، لاہور قلندرز نے فریدون محمود اور اسلام آباد یونائیٹڈ نے نسیم شاہ کے بھائی عبید شاہ منتخب کیا۔
— PakistanSuperLeague (@thePSLt20) December 13, 2023
واضح رہے کہ نسیم شاہ اور ان کے دونوں بھائی حنین شاہ اور عبید شاہ بھی پی ایس ایل 2024 میں اسلام آباد یونائیٹڈ کی نمائندگی کریں گے۔
