کراچی: (ویب ڈیسک) کوئٹہ گلیڈی ایٹرز کے سپنر عثمان طارق کو پاکستان سپر لیگ (پی ایس ایل) کے نویں ایڈیشن میں بولنگ کروانے کی اجازت مل گئی۔
عثمان طارق آج کراچی کے نیشنل سٹیڈیم میں شیڈول ملتان سلطانز کے خلاف ٹیم کے آخری لیگ میچ میں انتخاب کے اہل ہوں گے، سپنر کو بولنگ ایکشن کا جائزہ لینے کے بعد کھیلنے کی منظوری دی گئی ہے۔
سپنر عثمان طارق کو اب چوکنا رہنا ہوگا کیونکہ کیونکہ امپائرز کے ذریعہ اس کے ایکشن کے بارے میں کسی بھی بعد کی رپورٹ کے نتیجے میں اس کی بولنگ سے اس وقت تک معطلی کی جائے گی جب تک کہ وہ اس مسئلے کو درست کرنے کے لیے کامیابی کے ساتھ ٹیسٹ سے گزر نہ جائے۔
واضح رہے کہ عثمان طارق کا بولنگ ایکشن کراچی کنگز کیخلاف میچ میں رپورٹ ہوا تھا، آن فیلڈ آمپائرز رچرڈ ایلنگ ورتھ اور آصف یعقوب نے عثمان طارق کے بولنگ ایکشن پر اعتراض اٹھایا تھا۔
