لاہور: (دنیا نیوز) آئی سی سی چیمپئنز ٹرافی کے لیے لاہور اور کراچی کے سٹیڈیمز تیار ہو گئے، وزیر اعظم شہباز شریف رنگا رنگ تقریب میں آج قذافی سٹیڈیم کا افتتاح کریں گے، تقریب میں نامور گلو کار آواز کا جادو جگائیں گے۔
سٹیڈیم کی افتتاح تقریب میں معروف گلوکار علی ظفر، عارف لوہار اور آئمہ بیگ کی گلوکاری، آتش بازی اور منفرد لائٹ شو، شاندار ڈھول پرفارمنس اور آتش بازی کا مظاہرہ ہو گا۔
دوسری جانب نیشنل سٹیڈیم کراچی بھی مکمل ہوچکا ہے اس کا افتتاح 11 فروری کو ہو گا۔
واضح رہے کہ پی سی بی کے چیئرمین محسن نقوی کی قیادت میں پی سی بی نے ریکارڈ 117 دنوں میں قذافی سٹیڈیم کو جدید ترین سٹیڈیم میں تبدیل کردیا، سٹیڈیم میں 32 ہزار لوگوں کے بیٹھنے کی گنجائش بن گئی ہے۔
چیئرمین پی سی بی محسن نقوی کا کہنا ہے کہ ہمارے سٹیڈیمز، خصوصاً قذافی سٹیڈیم بین الاقوامی معیار کے مطابق تیار ہو چکا ہے۔
