لاہور: (دنیا نیوز) لاہور کی ٹریفک پولیس نے چیمپئنز ٹرافی میں انگلینڈ اور افغانستان کے مابین قذافی سٹیڈیم میں ہونے والے میچ کیلئے ٹریفک انتظامات مکمل کر لیے ہیں۔
میچ کے دوران ایک ہزار سے زائد ٹریفک پولیس اہلکار ڈیوٹی سرانجام دیں گے، رانگ پارکنگ ہرگز نہیں ہونے دی جائے گی، 20 فورک لفٹرز، 4 بریک ڈاؤنز ہر وقت تیار ہوں گی۔
ڈیفنس سے آنے والے شائقین فردوس مارکیٹ سے سینٹر پوائنٹ سے لیفٹ ٹرن لیکر سی بی ڈی میں گاڑیاں پارک کریں گے، گلبرگ کالج فیروزپور روڈ سے آنے والے کلمہ چوک سے ٹرن لے کر نیشنل پارک سے گورنمنٹ کالج گلبرگ میں گاڑیاں پارک کر سکیں گے۔
ڈیفنس، کینٹ سے آنے والے شائقین حسین چوک کی طرف سے یا شیر پاؤ برج سے ہوتے ہوئے مین بلیوارڈ گلبرگ سے لبرٹی پارکنگ میں گاڑیاں پارک کریں گے، گڑھی شاہو سے آنے والے مین بلیوارڈ گلبرگ سے سن فورٹ ہوٹل لبرٹی پارکنگ میں گاڑیاں پارک کریں گے۔
ڈاکٹر اطہر وحید نے کہا ہے کہ کسی بھی روڈ کو مستقل طور پر بند نہیں رکھا جائے گا، تمام سڑکیں بشمول مال روڈ، جیل روڈ، کینال روڈ ٹریفک کے لئے کھلی رہیں گی۔
