لاہور: (دنیا نیوز) پاکستان ون ڈے ٹیم کے کپتان محمد رضوان اور ٹیسٹ کپتان شان مسعود کی ناقص پرفارمنس ریڈار پر آگئی، دونوں کپتانوں کی چھٹی متوقع ہے۔
ذرائع کے مطابق دبئی جانے سے قبل این سی اے میں کپتانوں کے مستقبل کے حوالے سے اہم میٹنگ ہوئی، سلیکشن کمیٹی ڈائریکٹرہائی پرفارمنس سینٹر اور سلمان علی آغا کی ملاقات کی اندرونی کہانی سامنے آگئی۔
ذرائع کا کہنا ہے محمد رضوان کی جگہ سلمان علی آغا کو ون ڈے کی کپتانی سونپی جاسکتی ہے جبکہ شان مسعود کی جگہ سعود شکیل کو ٹیسٹ ٹیم کا کپتان بنائے جانے کا امکان ہے۔
ذرائع کے مطابق معاملے پر مشاورت جاری ہے، اگلے ماہ تک نئے کپتانوں کا اعلان متوقع ہے۔ کپتانی ملنے کے بعد سعود شکیل کو جلد بی کیٹیگری میں پروموٹ کیا جاسکتا ہے۔
