دبئی: (دنیا نیوز) پاکستان ‘افغانستان اور متحدہ عرب امارات کے درمیان سہ ملکی سیریز کی ٹرافی کی رونمائی کر دی گئی، سیریز آج سے امارات میں شروع ہوگی۔
افتتاحی میچ میں پاکستان اور افغانستان کی ٹیمیں شارجہ کرکٹ گراؤنڈ میں ان ایکشن ہوں گی، قومی ٹیم نے خامیوں کو دور کرنے کے لیے دبئی میں بھر پور پریکٹس کی۔
سیریز کے آغاز سے قبل ٹرافی کی رونمائی کر دی گئی، تینوں کپتانوں نے ٹرافی کے ساتھ تصاویر بنوائیں۔
— Pakistan Cricket (@TheRealPCB) August 28, 2025
ایونٹ کا فائنل سات ستمبر کو کھیلا جائیگا، سہ فریقی سیریز نو ستمبر سے یو اے ای میں کھیلے جانے والے ایشیا کپ 2025 سے قبل تینوں ٹیموں کو تیاری کا مثالی موقع فراہم کریگی۔
— Pakistan Cricket (@TheRealPCB) August 28, 2025
سہ فریقی سیریز کے لیے قومی کھلاڑیوں کا فوٹو شوٹ بھی ہوا جس میں کھلاڑیوں نے مختلف پوز بناکر ان لمحات کو یادگار بنایا، تمام کھلاڑیوں نے مسکراتے ہوئے اپنی تصاویر بنوائیں جبکہ وکٹ کیپر بلے باز محمد حارث گلاسز لگا کر سب کی توجہ حاصل کرنے میں کامیاب رہے۔
