لاہور: (ویب ڈیسک) جنوبی افریقہ ویمنز کے خلاف سیریز کی تیاریوں میں مصروف قومی ویمنز ٹیم نے پاک بھارت ٹاکرے میں مینز ٹیم کیلئے نیک خواہشات کا اظہار کر دیا۔
ویمنز کرکٹ ٹیم کے ہیڈ کوچ محمد وسیم نے کہا کہ پاکستان اور بھارت کا بڑا میچ ہے جس کا ہمیں بھی انتظار ہے، پاکستان ٹیم کیلئے نیک تمنائیں ہیں، پاکستان نے سہ فریقی سیریز میں اچھی کرکٹ کھیلی ہے، پوری امیدیں ہیں کہ پاکستان بھارت کے خلاف بھی اچھا کھیلے گا۔
قومی کرکٹر عالیہ ریاض نے ٹیم کے لئے نیک خواہشات کا اظہار کرتے ہوئے کہا کہ اچھا کھیلیں اور ملک کا نام روشن کریں۔
ایمان فاطمہ اور نتالیہ پرویز کا کہنا تھا کہ ہماری نیک خواہشات اور دعائیں پاکستان ٹیم کے ساتھ ہیں۔
