دبئی: (دنیا نیوز) قومی کرکٹ ٹیم کے فاسٹ بولر شاہین شاہ آفریدی نے کہا کہ بھارت کے خلاف فائنل کیلئے تیار ہیں۔
قومی کرکٹ ٹیم کے فاسٹ بولر اور میچ کے بہترین کھلاڑی شاہین شاہ آفریدی کا کہنا تھا کہ پلان کے مطابق بولنگ کی جس وجہ سے کامیابی ملی، کوشش تھی پاور پلے میں وکٹیں حاصل کروں۔
شاہین شاہ آفریدی نے گفتگو کرتے ہوئے کہا کہ مین آف دی میچ کا ایوارڈ فیملی کے نام کرتاہوں۔
یاد رہے ایشیا کپ سپر فور مرحلے کے اہم میچ میں پاکستان نے بنگلادیش کو 11 رنز سے شکست دیکر فائنل کیلئے کوالیفائی کرلیا، فائنل میں ایک بار پھر روایتی حریف بھارت کیساتھ جوڑ پڑے گا۔
پاکستان کی جانب سے شاہین شاہ آفریدی اور حارث رؤف نے تین، تین، صائم ایوب نے 2 جبکہ محمد نواز نے ایک وکٹ حاصل کی تھی۔
بنگلادیش کو شکست دینے کے بعد پاکستان ایشیا کپ کے فائنل میں پہنچنے والی دوسری ٹیم بن گئی جو اتوار کو بھارت کے ساتھ مقابلہ کریگی، پاکستان اور بھارت کی ٹیمیں پہلی بار ایشیا کپ کے فائنل میں آمنے سامنے آئیں گی۔
