پشاور:(دنیا نیوز) نامعلوم ملزموں کی فائرنگ سے ایس ایچ او شہید ہوگئے۔
پشاور میں پولیس سٹیشن چمکنی بائی پاس روڈ پر نامعلوم افراد نے ایس ایچ او کی گاڑی پر فائرنگ کر دی، جس کے نتیجے میں تھانہ شاہ پور کے ایس ایچ او شکیل خان موقع پر شہید ہوگئے۔
پولیس حکام کے مطابق شہید ایس ایچ او گھر سے تھانے جا رہے تھے کہ اس دوران سفید رنگ کی کار نے انکا پیچھا کیا، ایس ایچ او جیسے ہی چمکنی بائی پاس پل پر پہنچے دہشت گردوں نے فائرنگ کردی۔
شہید پولیس اہلکار کی نماز جنازہ ملک سعد پولیس لائن میں ادا کی گئی، جس میں آئی جی سمیت دیگر اعلیٰ حکام نے شرکت کی۔
