گوجرانوالہ : ( دنیا نیوز ) پنجاب کے ضلع گوجرانوالہ کے تھانہ واہنڈو کے علاقے میں پولیس مقابلے کے دوران ڈاکوؤں کی فائرنگ سے اسسٹنٹ سب انسپکٹر ( اے ایس آئی ) سمیت 2 پولیس اہلکار زخمی ہو گئے۔
گوجرانوالہ پولیس کے مطابق ڈاکو پٹرول پمپ پر ڈکیتی کی واردات کررہے تھے جس کی اطلاع ملنے پر اے ایس آئی گلریز خان اپنی ٹیم کے ہمراہ موقع پر پہنچے ۔
پولیس نے بتایا کہ ملزمان نے پولیس کو دیکھتے ہی فائرنگ شروع کر دی جس کے نتیجے میں گلریز خان اور ساتھی اہلکار زخمی ہو گیا، دونوں زخمیوں کو ہسپتال منتقل کر دیا گیا ہے۔
پولیس نے مزید بتایا کہ ڈاکووں کی گرفتاری کے لیے ضلع بھر میں ناکہ بندی کر دی گئی۔
