کوٹ چھٹہ: (دنیا نیوز) رشتے کے تنازع پر نرواہی اور مانا احمدانی کی لاشاری برادری میں خونی تصادم ہوا جس کے نتیجے میں 22 سالہ نوجوان جان کی بازی ہار گیا۔
دو گروپوں میں ہونے والے تصادم کے دوران ڈنڈوں، سوٹوں اور چھریوں کا آزادانہ استعمال کیا گیا، تصادم میں 22 سالہ نوجوان جہانگیر ولد بشیر احمد موقع پر جاں بحق ہوگیا جبکہ 10 افراد زخمی ہوئے۔
جاں بحق نوجوان کی لاش اور زخمیوں کو ریسکیو 1122 کی مدد سے تحصیل ہیڈ کوارٹر ہسپتال کوٹ چھٹہ منتقل کر دیا گیا جبکہ پولیس نے موقع پر پہنچ کر کارروائی شروع کر دی ہے۔
