پاکپتن : (دنیانیوز) پنجاب کے شہرپاکپتن میں سڑکوں پر ناکہ لگا کر وارداتیں کرنے والے 11 ڈکیت گینگز گرفتارکرلیے گئے۔
ڈی پی او پاکپتن کیپٹن (ریٹائرڈ) طارق ولایت کے مطابق گرفتار ملزمان سے 3 کروڑ پچاس لاکھ مالیتی مال مسروقہ برآمد کرلیا گیا ہے ، ملزمان سنگین وارداتوں میں انتہائی مطلوب تھے۔
ڈی پی او پاکپتن نے مزید بتایا کہ پولیس نے 182 منشیات فروشوں کو گرفتار کرکے 117 کلو چرس،1798 لیٹر شراب اور 6 عدد چالو بھٹیاں بر آمد کی ہیں ۔
انہوں نے کہا کہ ناجائز اسلحہ رکھنے وا لے 104 ملزمان کو گرفتار کرکے انکے قبضہ سے جدید اسلحہ بھی برآمد کیا گیاہے ۔
ملزمان کیخلاف قانونی کارروائی کا آغاز کردیا گیا ہے ۔
