لاڑکانہ: (دنیا نیوز) بیت المال کالونی میں مسلح افراد کی فائرنگ سے خاتون سمیت 2 افراد جاں بحق ہو گئے۔
پولیس کے مطابق جاں بحق ہونے والوں میں نظیر ابڑو اور فرزانہ زنگیجو شامل ہیں، مرد اور خاتون کا 3 مسلح افراد پیچھا کر رہے تھے، دونوں بچنے کیلئے ایک گھر میں گھسے، جہاں مسلح افراد نے انہیں قتل کیا۔
ملزمان فائرنگ کرتے ہوئے فرار ہو گئے، لاشوں کو چانڈکا میڈیکل ہسپتال منتقل کر کے تحقیقات کا آغاز کر دیا گیا، پولیس کی جانب سے ملوث افراد کی گرفتاری کے لیے علاقے کی ناکہ بندی کر دی گئی۔
