کراچی: (شہباز خان) اینٹی نارکوٹکس فورس (اے این ایف) نے مختلف کارروائیوں میں بھاری مقدار میں منشیات برآمد کر کے 9 ملزمان کو گرفتار کر لیا۔
ترجمان اے این ایف کے مطابق کارروائیاں اسلام آباد، راولپنڈی، کراچی، پشاور اور قلعہ سیف اللہ میں کی گئیں۔
حکام کا کہنا ہے کہ 9 مختلف کارروائیوں کے دوران ملزمان سے 107.2 کلو گرام منشیات پکڑی گئی، برآمد ہونے والی منشیات میں 63 کلو گرام ہیروئن، 30 کلو 500 گرام چرس، 13 کلو 700 گرام آئس اور 118 نشہ آور گولیاں شامل ہیں۔
ترجمان اے این ایف کے مطابق گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، ملزمان کیخلاف انسداد منشیات ایکٹ کے تحت مقدمات درج کر لئے گئے ہیں۔
