لاہور: (دنیا نیوز) ایف آئی اے انسداد انسانی سمگلنگ سرکل لاہور نے کارروائی کرتے ہوئے ویزا فراڈ میں ملوث 2 غیرقانونی ٹریول ایجنٹس گرفتار کر لئے۔
ایف آئی اے حکام نے بتایا ہے کہ گرفتار ملزمان میں طلعت رضوان اور خرم منیر شامل ہیں، ملزمان نے شہریوں کو ساؤتھ کوریا ، کینیڈا بجھوانے کا جھانسہ دیکر 46 لاکھ روپے بٹورے تھے۔
حکام کے مطابق ملزمان بھاری رقوم وصول کر کے شہریوں سے ویزا فراڈ کرتے تھے، ملزمان شہریوں کو بیرون ملک بھجوانے میں ناکام رہے اور روپوش ہو گئے تھے۔
ترجمان نے بتایا کہ چھاپہ مار کارروائی ڈائریکٹر لاہور زون کی ہدایت پر عمل میں لائی گئی، ملزمان کو گرفتار کر کے تفتیش کا آغاز کر دیا گیا ہے جبکہ دیگر ملزمان کی گرفتاری کے لئے چھاپے مارے جا رہے ہیں۔
