کراچی: (دنیا نیوز) مصطفی عامر قتل کیس کے مرکزی ملزم ارمغان کے والد کامران قریشی کو گرفتار کرلیا گیا۔
ذرائع کے مطابق کامران اصغر قریشی کو اینٹی وائلنٹ کرائم سیل اور کرائم انویسٹی گیشن ایجنسی نے منشیات فروشی کے الزام میں گرفتار کیا، ملزم سے منشیات اور غیر قانونی اسلحہ برآمد کرنے کا بھی دعویٰ کیا گیا ہے۔
ملزم کے خلاف منشیات اور غیر قانونی اسلحہ رکھنے کی دفعات کے تحت مقدمہ درج کرلیا گیا ہے۔
پولیس کی جانب سے اس حوالے سے بتایا گیا ہے کہ اعلیٰ افسران کی خصوصی ہدایت پر اے وی سی سی پولیس نے منشیات فروشوں کے خلاف کریک ڈاؤن کیا،کامران قریشی کو ڈیفنس فیز فائیو خیابان مومن پر واقع بنگلہ سے گرفتار کیا گیا۔
حکام کے مطابق گرفتار ملزم کامران اصغر قریشی کے قبضے سے 200 گرام آئس، ایک نائن ایم ایم پستول اور گولیاں برآمد ہوئی ہیں۔
گرفتار ملزم کے خلاف کنٹرول آف نارکوٹکس سبسٹینس ایکٹ اور لائسنس کے بغیر اسلحہ رکھنے کے تحت مقدمہ درج کیا گیا اور تفتیش جاری ہے۔
