چیچہ وطنی: (ویب ڈیسک) چیچہ وطنی کے نواحی گاؤں 109 سیون آر میں گھر سے بھاگنے پر بھائیوں نے بہن کو قتل کر دیا۔
پولیس حکام نے بتایا کہ مقتولہ چند روز قبل اپنی مرضی سے ایک لڑکے کے ساتھ چلی گئی تھی جس کے بعد اس کے بھائی پنچایتی فیصلے کے تحت اسے گھر واپس لے آئے تھے۔
پولیس ترجمان نے مزید بتایا کہ مہوش کے دو بھائیوں نے رات گئے اسے گلا دبا کر قتل کیا، ایک ملزم کو گرفتار کر لیا گیا جبکہ دوسرا موقع سے فرار ہونے میں کامیاب ہوگیا، مقتولہ کی لاش کو پوسٹ مارٹم کے لیے تحصیل ہسپتال منتقل کر دیا گیا۔
پولیس نے مقدمہ درج کر کے مزید تفتیش شروع کر دی جبکہ مفرور ملزم کی گرفتاری کے لئے چھاپے مارے جا رہے ہیں۔
