لاڑکانہ: (دنیا نیوز) لاڑکانہ میں پولیس مقابلہ ہوا، ڈاکو کو زخمی حالت میں گرفتار کرکے اسلحہ برآمد کر لیا گیا۔
ایس ایس پی احمد فیصل چودھری نے بتایا کہ گشت پر معمور پولیس اہلکاروں اور ڈاکووں کے درمیاں فائرنگ کا تبادلہ ہوا، دو طرفہ فائرنگ کے نتیجے میں ایک ڈاکو زخمی حالت میں پکڑا گیا، زخمی حالت میں گرفتار ڈاکو کی شناخت چمن بلوچستان کے رہائشی رفیق اچکزئی کے نام سے ہوئی ہے۔
احمد فیصل چودھری نے بتایا کہ ڈاکو رفیق کے دیگر ساتھیوں کی گرفتاری کے لئے علاقے میں سرچ آپریشن جاری ہے، گرفتار ڈاکو رفیق سنگین نوعیت کے متعدد مقدمات میں مطلوب تھا، ڈاکو کو ابتدائی طبی امداد کے لئے ٹراما منتقل کردیا گیا۔
