رحیم یار خان:(دنیا نیوز) پنجاب کے ضلع رحیم یار خان کے چولستان کےعلاقےمیں فصلوں میں گھسنے پر مبینہ طور پر مقامی زمیندار نے 2 اونٹنیوں کو کلہاڑیوں کے وار کرکے مار دیا، پولیس نے 11 افراد کے خلاف مقدمہ درج کرلیا۔
ہیڈفرید چولستان کے رہائشی عبد الخالق نے الزام لگایا کہ علاقےکے با اثر افراد نے اس کی 2 اونٹنیوں کو کلہاڑی کے وارکرکے مار ڈالا ہے۔
دوسری جانب ترجمان پولیس کا کہنا ہے کہ واقعہ تین روز قبل پیش آیا ہے، ملزمان نے قبل از گرفتاری عبوری ضمانت کروا رکھی ہے، تفتیش کی جا رہی ہے۔
