کراچی: (دنیا نیوز) اے این ایف نے تعلیمی اداروں کے اطراف اورمختلف شہروں میں منشیات سمگلنگ کےخلاف کریک ڈاؤن کرتے ہوئے 6 مختلف کاروائیوں کے دوران 9 ملزمان گرفتار کر لیے۔
ترجمان اے این ایف نے بتایا کہ منشیات سمگلنگ کے خلاف کاروائیوں میں6 کروڑ 56 لاکھ روپےسےزائد مالیت کی 223 کلوگرام منشیات برآمد کی گئیں۔
راولپنڈی کے علاقے چوہڑچوک کے قریب گاڑی سے 2.4 کلوگرام چرس برآمد، کر کے ملزم گرفتارکر لیا، گرفتارملزم نے تعلیمی اداروں کے طلباء کو منشیات فروخت کرنے کا اعتراف کر لیا۔
فیصل آباد ایئرپورٹ پردبئی جانے والے مسافر کے پیٹ سے 340 گرام وزنی 69 ہیروئن بھرے کیپسولز برآمد کر لیے، سہراب گوٹھ کراچی کے قریب گاڑی سے126 کلو آئس اور18 کلو ہیروئن ضبط کرتے ہوئے دوملزمان گرفتار کیے۔
کراچی کے علاقے گلستان جوہر میں گھر سے72 کلو چرس برآمد کر کے ایک ملزم پکڑ لیا، ترکئی ٹول پلازہ سوہاوہ کے قریب مسافر وین میں سوار 2 ملزمان سے 2.4 کلوگرام چرس ضبط کی۔
اینٹی نارکوٹکس فورس کے رجمان نے بتایا کہ گرفتارملزمان کےخلاف انسداد منشیات ایکٹ کے تحت مقدمات درج کرکے تحقیقات کا آغاز کردیا گیا ہے۔
