لاہور: (ویب ڈیسک) ہربنس پورہ سے نویں جماعت کی طالبہ کو اغوا کرلیا گیا۔
ہربنس پورہ پولیس کے مطابق نویں جماعت کی طالبہ سکول جانے کے لئے صبح سوا 7 بجے گھر سے نکلی تھیں اور انہیں اغوا کرلیا گیا ہے، پولیس نے بتایا کہ بچی کے گھر سے باہر جانے اور سکول کے گردونواح کی سی سی ٹی وی بھی سامنے آ گئی ہے۔
پولیس نے مزید بتایا کہ سی سی ٹی وی فوٹیج میں دیکھا جاسکتا ہے کہ برقعہ پہنے لڑکی گھر اور سکول کے قریب اکیلی جاتی ہوئی نظر آرہی ہیں، واقعے کا مقدمہ اغوا ہونے والی لڑکی کے والد کی مدعیت میں درج کیا گیا ہے اور انہوں نے کہا ہے کہ ان کی بیٹی کو نامعلوم ملزمان نے اغوا کیا ہے۔
پولیس نے بتایا کہ نویں جماعت کی طالبہ کے اغوا کا مقدمہ درج کرلیا گیا ہے، سی سی ٹی وی اور دیگر ذرائع سے تلاش جاری ہے۔