لاہور: (دنیا نیوز) تھانہ ریس کورس پولیس بینک سے کیش لے کر نکلنے والے شہریوں کو گن پوائنٹ پر لوٹنے والا 4 رکنی خطرناک گینگ گرفتار کر لیا۔
پولیس نے شہریوں سے چھینے گئے 75 لاکھ روپے اور 20 موٹر سائیکل برآمد کر لیے، گینگ کے ارکان نے دوران واردات شہری کو فائرنگ کر کے شدید زخمی بھی کیا تھا۔
گینگ کی گرفتاری کے لئے ایس پی پوٹھوہار کی سربراہی میں خصوصی ٹیمیں تشکیل دی گئی تھیں، پولیس نے تمام ٹیکنِیکل و ہیومن انٹیلی جنس ذرائع بروئے کار لا کر ملزمان کو گرفتار کیا۔
پولیس کے مطابق ملزمان نے دوران تفتیش موٹر سائیکل چھیننے اور چوری کرنے کی متعدد وارداتوں کا بھی انکشاف کیا۔
ایس پی پوٹھوہار طلحہ ولی نے کہا کہ زیر حراست ملزموں کو ٹھوس شواہد کے ساتھ چالان کر کے قرار واقعی سزا دلوائی جائے گی۔
ایس پی پوٹھوہار طلحہ ولی ملزموں سے نے برآمد ہونے والی رقم اور موٹر سائیکل اصل مالکان کے حوالے کر دیئے۔
