اوکاڑہ :(دنیا نیوز) پنجاب کے علاقے اوکاڑہ میں پسند کی شادی گناہ بن گئی، بھائی نے طیش میں آکر دو بہنوں کی جان لے لی۔
پولیس کے مطابق ملزم نے پسند کی شادی پر بڑی بہن کو موت کے گھاٹ اتارا جس پرچھوٹی بہن نے مزاحمت کی تو ملزم نے اُسے بھی گولیاں مار کر قتل کردیا۔
واقعہ کے بعد ڈی پی او راشد ہدایت سے فوری نوٹس لیتے ہوئے ملزم کی گرفتاری کا حکم دیا، جس پر پولیس کی خصوصی ٹیم نے ملزم سیف الملوک کو گرفتار کرلیا۔
ڈی پی او کا اِس حوالے سے مزید کہنا تھا کہ گرفتار ملزم کے خلاف مقدمہ درج کرکے مزید کارروائی کا آغاز کردیا گیا ہے۔
