لاہور: (ویب ڈیسک) اداکارہ خوشبو نے کہا ہے کہ لاہور سے باہر جا کر ڈراموں میں کام کرنے کو جی نہیں چاہتا لیکن شوبز میں کام کرنے کیلئے بہت کچھ کرنا پڑتا ہے۔
اداکارہ خوشبو خان کا کہنا تھا کہ میں صرف سٹیج نہیں فلموں میں بھی مصروف ہوں، لاہور کے تھیٹرز میں کام کرنے کا اپنا ہی مزا ہے اور میں نے کبھی بھی دوسرے شہروں میں خوشی سے جا کر ڈرامہ نہیں کیا لیکن شوبز کی مجبوری ہے کہ جہاں بھی فنکار کو کام ملے وہاں ضرور جانا پڑتا ہے۔ انہوں نے کہا کہ سٹیج کی ترقی ہی فنکاروں کی ترقی اور خوشحالی ہے ۔
