نئی دہلی: (آن لائن) بالی ووڈ اداکارہ نے کہا ہے کہ سب می ٹو کی بات تو کر رہے ہیں لیکن لوگوں کو جمع ہونا پڑے گا، سوچ کو تبدیل کرنا ضروری ہے۔
بھارت میں جاری می ٹو مہم کا حصہ بنتے ہوئے کئی خواتین سامنے آئیں جنہوں نے ان مردوں کے خلاف آواز بھی اٹھائی جنہوں نے کبھی انہیں جنسی ہراساں کیا یا کرنے کی کوشش کی۔ اس مہم کی مدد سے ان اداروں کو خواتین کے لیے محفوظ بنانے کا مطالبہ بھی کیا گیا، جہاں وہ کام کرنے پر مطمئن محسوس نہیں کرتی تاہم بولی وڈ اداکارہ ملائیکا اروڑا کا ماننا ہے کہ اس مہم کے بعد بھارت میں آوازیں تو بہت اٹھائی گئی تاہم تبدیلی اس وقت کہیں نظر نہیں آ رہی۔
ہندوستان ٹائمز کی رپورٹ کے مطابق ملائیکا انٹرویو میں کہنا تھا کہ مجھے کوئی تبدیلی تو نظر نہیں آ رہی، لوگوں کی آوازیں سنائی دے رہی ہیں لیکن تبدیلی سے زیادہ شور مچا ہوا ہے۔
ملائیکا اروڑا کا کہنا تھا کہ ابھی بھی بہت طویل سفر طے کرنا ہے، سب می ٹو کی بات تو کر رہے ہیں لیکن اصل تبدیلی کے لیے لوگوں کو جمع ہونا پڑے گا اور پھر کچھ کرنا ہو گا، لوگوں کی سوچ کو تبدیل کرنا ضروری ہے اور کسی کی سوچ کو ایک رات میں تبدیل نہیں کیا جا سکتا۔
ملائیکا نے اس سے قبل بھی می ٹو مہم پر بات کی تھی، جس کی ویڈیو سوشل میڈیا پر خوب وائرل ہوئی۔
