لاہور: (ویب ڈیسک) ٹکٹ کٹاؤ لائن بناؤ، کنے کنے جانا اے بلو دے گھر، معروف گلوکار ابرار الحق کے گیت کے یہ بول تو 90 کے دہائی کے آخر اور 2000 کی دہائی کے اوائل میں شائد ہی کسی نے نا سنے ہوں، لیکن اب کوک سٹوڈیو کے 12 ویں سیزن میں اس گانے کو دوبارہ متعارف کروایا گیا ہے۔
اس گانے کو ایک مرتبہ دوبارہ کوک سٹوڈیو کے 12 ویں سیزن میں پاپ اور بھنگڑا موسیقی کے معروف گلوکار ابرار الحق نے ری میک کر کے گایا ہے۔ کوک سٹوڈیو کے 12 ویں سیزن میں اس گانے کا نشر ہونا تھا کہ ہیش ٹیگ بلو اور ہیش ٹیگ کوک سٹوڈیو 12 ٹوئٹر پر مقبول ٹرینڈ بن گیا۔ ٹوئٹر صارفین نے اس گانے کے نشر ہوتے ہی اپنے جذبات، خیالات اور تبصروں کا آزادانہ اظہار کیا۔
جہاں ملک میں موسیقی کے دالدادہ افراد نے ماضی کے اس سپر ہٹ گیت کے ری میک اور ابرار الحق کو ہی یہ گانا گانے پر سراہا وہیں چند ٹوئٹر صارفین نے اسے اوریجنل ورژن سے تبدیل کرنے پر کوک سٹوڈیو پر تنقید بھی کی ہے۔
Ye abrar Ul Haq ka #Billo song Is waqt raat k Sun Kr Bed Per he Bhangra krnay ko dill kr rha h mera tw #cokestudio12 #12Am pic.twitter.com/x6esaFtZ0W
— Mirza Hassan (@mirzasays_) October 25, 2019
مرزا حسن نامی ایک ٹویٹر صارف نے ابرار الحق کے بلو گیت کی تعریف کرتے ہوئے ٹویٹ کیا کہ رات کے اس وقت ابرار الحق کا یہ بلو گیت سن کر میرا تو بستر پر ہی بھنگڑا کرنے کو دل کر رہا ہے۔
Kal Bhi Bhillo Zinda Thi
— عبیر (@AjeebOAbeer) October 25, 2019
Aaj Bhi Billo Zinda Hai!
.
Abrar Ul Haq at his Best! @AbrarUlHaqPK@cokestudio #cokestudio #billodeghar #Billohttps://t.co/NI29E0eFZa
جبکہ ایک ٹوئٹر صارف نے تو اپنی پسندیدگی کا اظہار کرتے ہوئے اسے ایک نعرے کے انداز میں ٹوئیٹ کیا، کل بھی بلو زندہ تھی، آج بھی بلو زندہ ہے۔
coke studio is always there to Disappoint you #cokestudio12
— Umar (@Umar_gujjar1) October 25, 2019
ایک ٹوئٹر صارف جنھیں کوک سٹوڈیو کی جانب سے اس گانے کا ری میک پسند نہیں آیا انھوں نے اپنے خیالات کا اظہار کچھ اس طرح کرتے ہوئے لکھا کہ کوک سٹوڈیو آپ کو ہمیشہ مایوس کرنے کے لیے موجود ہے۔
