اسلام آباد: (روزنامہ دنیا) پوری دنیا کا کامیابی کے ساتھ 23 روز میں چکر لگانے والے پاکستانی گلوکار و اداکار فخر عالم نے اب خلا میں پاکستانی پرچم لہرانے کے عزم کا اظہار کیا ہے۔
میڈیا رپورٹ کے مطابق فخر عالم کا کہنا تھا کہ میں چاہتا ہوں اس طرح کے کارنامے پاکستان سے اور بھی لوگ انجام دیں، پاکستانیوں میں بیحد ٹیلنٹ اور صلاحیت ہے، میری اگلی منزل خلا کا سفر کرنا ہے۔
انہوں نے کہا میں چاہتا ہوں کہ پاکستان کا جھنڈا بھی خلا میں لہرائے مجھے آپ سب کی دعاؤں کی ضرورت ہے۔
