لاہور: (ویب ڈیسک) یوں تو بھارت میں پاکستان مخالف خبریں پڑھنے کو ملتی رہتی ہیں جہاں بی جے پی سرکار اور ہندوتوا کا نظریہ کا پرچار کرنے والی آر ایس ایس تنظیم کوئی دن گزرے بغیر پاکستان اور مسلمانوں پر تنقید کرتے رہتے ہیں، تاہم ایک اور خبر بھارت سے آئی ہے جہاں پر ماضی کی خوبرو بالی ووڈ کی اداکارہ روینہ ٹنڈن نے پاکستان کی تعریف کر ڈالی۔
بالی وڈ اداکارہ روینہ ٹنڈن بھارتی وزیراعظم مودی کے پاکستان کے خلاف زہریلے پروپیگنڈے کے باوجود پاکستانی شہری کی تعریف کیے بنا نہ رہ سکیں۔
When humanity wins over politics . Pakistani air traffic controller saves a Jaipur to Muscat flight from disaster https://t.co/XEzSuVFzUC
— Raveena Tandon (@TandonRaveena) November 16, 2019
سماجی رابطے کی ویب سائٹ ٹوئٹر پر ٹویٹ کرتے ہوئے اداکارہ نے بھارتی طیارے سے متعلق خبرکا ذکرکیا جس میں بھارتی شہرجے پور سے مسقط جانے والی عمان ایئر لائن کی پرواز آسمانی بجلی کی زد میں آگئی تھی اور پائلٹ حواس باختہ ہو گیا تھا جسکے بعد پاکستانی ایئرٹریفک کنٹرولرنے بہت مہارت سے پروازکوحادثے سے بال بال بچانے میں مدد دی تھی۔
اداکارہ نے کہا کہ ایسا واقعہ جب ہوتا ہے توسیاست کے مقابلے میں انسانیت جیت جاتی ہے۔ اداکارہ نے مزید لکھا کہ پاکستان کے ایئرٹریفک کنٹرولرنے طیارے کوبڑے حادثے سے بچا لیا۔
